နွေဦးတော်လှန်ရေးမှာ ပြည်သူနဲ့တစ်သားတည်းရပ်တည်ခဲ့တဲ့ မင်းသားချော ပိုင်တံခွန်အတွက် ဂုဏ်ပြုသီချင်းသီဆိုပေးတဲ့ ထိုင်းလူမျိုးတွေရဲ့ ဗီဒီယိုဖိုင်

နိုင်ငံကျော် မော်ဒယ်၊ သရုပ်ဆောင်တစ်ဦးဖြစ်တဲ့ ပိုင်တံခွန်က ရှည်လျားတဲ့ အရပ်အမောင်းနဲ့ ယောကျာ်းဆန်တဲ့ မျက်နှာကြောင့် မိန်းကလေးပရိသတ်တွေရဲ့ အသည်းစွဲမင်းသားလေးတစ်ဦး ဖြစ်နေတာပဲ ဖြစ်ပါတယ်။

ပိုင်တံခွန်က မြန်မာနိုင်ငံမှာသာမက အရှေ့တောင်အာရှနိုင်ငံများဖြစ်တဲ့ ထိုင်း ဗီယက်နမ် တရုတ် စတဲ့နိုင်ငံတွေ အပြင် ဥရောပနိုင်ငံတစ်ချို့က ပရိတ်သတ်တွေပါအားပေးခြင်းခံခဲ့ရတဲ့မင်းသားတစ်ဦးဖြစ်ပါတယ်။

ပိုင်တံခွန်ကတော့ ဒီအရေးတော်ပုံကြီး စတင်ထဲက အားကြိုးမာန်တတ်နဲ့လမ်းပေါ်ထွက်ကာ ရဲရဲရင့်ရင့် ဆန္ဒထုတ်ဖော်ခဲ့သူတစ်ယောက်ဖြစ်သလို ပြည်သူတွေကိုလည်းရှေ့ကနေ ကာကွယ်စောင့်ရှောက်ပေးမှုတွေလည်း ပြုလုပ်ခဲ့ပါသေးတယ်။

အခုလက်ရှိမှာတော့ ပိုင်တံခွန်က နွေဦးတော်လှန်ရေးမှာ အမှန်တရားဘက်ကရပ်တည်ခဲ့တာကြောင့် ပုဒ်မ ၅၀၅ (က)နဲ့ ဧပြီလ (၇)ရက်နေ့က အင်းစိန်ထောင်မှာ ဖမ်းဆီးချုပ်နှောင်ခံခဲ့ရပါတယ်။

ယခုဆိုရင် သူရဲ့ ထိုင်းလူမျိုးပရိသတ်တွေက ပိုင်တံခွန်အတွက် အမြန်ဆုံးလွတ်မြောက်ပါစေလို့ ဆုတောင်းပြီး သီချင်းလေးစပ်ပြီး သီဆိုပေးခဲ့ကြပါတယ်။ ပိုင်တံခွန် တစ်ယောက်အမြန်ဆုံးလွတ်မြောက်ပါစေလို့ ဆုတောင်းပေးလိုက်ပါတယ်။

ပိုင်တံခွန်အတွက် သီချင်းစပ်ပြီး သီဆိုပေးကြတဲ့ ထိုင်းလူမျိုးတွေရဲ့ဗီဒီယိုဖိုင်