ကုလသမဂ္ဂအဖွဲ့က မြန်မာကိုယ်စားလှယ်နေရာကို စစ်ကောင်စီဘက်က အကြိမ်ကြိမ်ဖယ်ရှားဖို့ ကြိုးစားပေမယ့် လက်ရှိသံအမတ်ကြီး ဦးကျော်မိုးထွန်းပဲ နောက်ထပ် တစ်နှစ်ဆက်လက်ကိုယ်စားပြုခွင့်ရရှိမယ်လို့ သိရပါတယ်။
NUG အမျိုးသားညီညွတ်ရေးအစိုးရက လက်ခံထားတဲ့ သံအမတ်ကြီး ဦးကျော်မိုးထွန်းဟာ ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ်အဖြစ် ၂၀၂၂ ခုနှစ် စက်တင်ဘာလအထိ ဆက်ရှိနေမှာဖြစ်ပါတယ်။
စက်တင်ဘာလ (၂၇) ရက်နေ့မှာ ကျင်းပခဲ့တဲ့ ကုလသမဂ္ဂ အထွေထွေညီလာခံမှာတော့ သံအမတ်ကြီး ဦးကျော်မိုးထွန်းက မိန့်ခွန်းပြောကြားဖို့ မရှိပါဘူး။ ဒါပေမယ့် ကုလသမဂ္ဂ အထွေထွေညီလာခံက တစ်နှစ်ပတ်လုံး လုပ်တာဖြစ်တဲ့အတွက် ဒီတစ်ခေါက်မှာ မပြောဖြစ်ပေမယ့်လည်း ပြောခွင့်ရတဲ့ အနေအထားမျိုးရရင် ပြည်သူ့အသံ၊ ပြည်သူတွေရဲ့ ဆန္ဒကို နိုင်ငံတကာ အသိုင်းအဝိုင်းကိုပြောကြားပေးမယ်လို့ သိရပါတယ်။
လောလောဆယ် အထွေထွေညီလာခံမှာ မိန့်ခွန်းပြောဖို့ မဖြစ်နိုင်ပေမယ့် အခုအခြေအနေဟာ သံတမန်ဆက်ဆံရေး စစ်မျက်နှာမှာ အမျိုးသားညီညွှတ်ရေးအစိုးရ NUG အနေနဲ့ အောင်မြင်တဲ့ ခြေလှမ်းတစ်ခု ရရှိလာတာလို့ ယူဆပါတယ်၊ မြန်မာ ပြည်သူပြည်သားတွေအတွက် အကောင်းဆုံးဖြစ်နိုင်မယ့် အနေအထားမျိုး ရှိမယ်လို့လည်းမျှော်လင့်ပါတယ်။
Source : Original Uploader