ဖခင်ရဲ့ နောက်ဆုံးဈာပနခရီးမှာ ဝမ်းနည်းပူဆွေးမှုတွေနဲ့ လိုက်ပါပို့ဆောင်ခဲ့တဲ့ ရတနာမိုင်

သီချင်းကောင်းလေးတွေနဲ့ ပရိသတ်တွေရဲ့ အားပေးချစ်ခင်မှုတွေကို အခိုင်အမာရှိထားတဲ့ အဆိုတော် ရတနာမိုင်ကတော့ ပြီးခဲ့တဲ့ရက်ပိုင်းကမှ ဖခင်ဖြစ်သူကို ဆုံးရှုံးထားရတာ ဖြစ်ပါတယ်။ ဖခင်ကို ဆုံးရှုံးလိုက်ရတဲ့ ရတနာမိုင်တို့ သားအမိနှစ်ယောက်အတွက် မိဆ်ဆွေသူငယ်ချင်းတွေနဲ့ ပရိသတ်တွေကလည်း အားပေးနှစ်သိမ့်ပေးနေကြတာလည်း ဖြစ်ပါတယ်။ 

ရတနာမိုင်ကတော့ ဖခင်ရဲ့နောက်ဆုံးဈာပနအခမ်းအနားကိုတော့ ဝမ်းနည်းမျက်ရည်တွေနဲ့အတူ လိုက်ပါပို့​ဆောင်ပေးခဲ့ပါတယ်။ အဆိုတော်ရတနာမိုင်ရဲ့ ဖခင်ဖြစ်သူဦးမောင်ရင်ဟာ ပြီးခဲ့တဲ့ စက်တင်ဘာလ (၂၅)ရက်နေ့ ညနေ(၆:၃၀)အချိန်က ကွယ်လွန်ဆုံးပါးသွားတာ ဖြစ်ပါတယ်။ 

ရတနာမိုင်ရဲ့ဖခင်ဦးမောင်ရင်ရဲ့ နောက်ဆုံးဈာပနအခမ်းအနားကိုတော့ စက်တင်ဘာလ (၂၆)ရက်နေ့ နေ့လည်(၃)နာရီအချိန်က သဂြိုလ်ပြီးစီးခဲ့တာ ဖြစ်ပါတယ်။ ဖခင်ဖြစ်သူရဲ့ နောက်ဆုံးအမှတ်တရတွေကိုလည်း မိုင်လေးက သူမရဲ့လူမှုကွန်ယက်စာမျက်နှာကနေ မျှဝေထားပြီး ကွယ်လွန်သူဖခင်ကြီး ကောင်းရာသုဂတိလားစေဖို့ကိုလည်း ဆုတောင်းမေတ္တာတွေ ပို့သထားပါသေးတယ်။ 

သတင်း အရင်းအမြစ်៖ Yadanar My's Fb Acc