ထိုင်းမင်းသမီးချော Chompoo Araya ကတော့ ချစ်စရာကောင်းတဲ့ သားအမွှာလေးနှစ်ယောက်မွေးဖွားပြီး ပျော်ရွှင်စရာမိသားစုဘဝလေးကို ရရှိထားတာ ဖြစ်ပါတယ် ။ Chompoo တို့မိသားစုလေးက သိုက်သိုက်ဝန်းဝန်းနဲ့ ကြည်နူးစရာကောင်းတာကြောင့် အများကပါ အားကျနေရတာ ဖြစ်ပါတယ် ။ ဒါ့အပြင် Chompoo ရဲ့ခင်ပွန်းကလည်း သူမအပေါ်မှာ ကြင်နာပြီး အရမ်းချစ်ပေးနေတာ ဖြစ်ပါတယ် ။
ပရိသတ်တွေအားကျရတဲ့ Chompoo တို့မိသားစုလေးမှာတော့ မကြာခင် မိသားစုဝင်အသစ်လေး ထပ်တိုးလာတော့မှာ ဖြစ်ပါတယ် ။ အခုဆိုရင် Chompoo က ဒုတိယမြောက်ရင်သွေးကို ကိုယ်ဝန်လွယ်ထားရပြီဖြစ်ကြောင်း အားလုံးသိအောင် အသိပေးလိုက်တာ ဖြစ်ပါတယ် ။ Chompoo က "There's another heart beating inside me" ဆိုပြီး နောက်ထပ်ရင်သွေးလေးရဲ့နှလုံးခုန်သံကိုပါ ကြားနေရပြီဖြစ်ကြောင်း ဗီဒီယိုဖိုင်လေးနဲ့ မျှဝေခဲ့တာ ဖြစ်ပါတယ် ။
ထိုင်းနိုင်ငံက အနုပညာရှင် တော်တော်များများကလည်း Chompoo ကိုယ်ဝန်ရှိတဲ့သတင်းကိုကြားပြီး ဝိုင်းဝန်းဂုဏ်ပြုပေးခဲ့ကြတာ ဖြစ်ပါတယ်။ ပရိသတ်တွေကလည်း ပိုမိုပျော်ရွှင်စရာကောင်းလာတော့မယ့် Chompoo တို့မိသားစုလေးအတွက် ဝမ်းသာနေကြတာ ဖြစ်ပါတယ် ။ ဒုတိယကိုယ်ဝန်လွယ်ထားရကြောင်း ပြသလာတဲ့ ထိုင်းမင်းသမီးချော Chompoo Araya ရဲ့ဗီဒီယိုဖိုင်ကို ပြန်လည်ဖော်ပြပေးလိုက်ပါတယ်။
Source & Video Credit-Chompoo Araya's IG Acc