Squid game စီးရီးမှာ ပါဝင်သရုပ်ဆောင်ကြတဲ့ သရုပ်ဆောင်များစွာရဲ့စွမ်းရည်ကို မြန်မာပြည်သူလူထုကချီးကျူးနေကြပြီး Season 2 ထွက်လာဖို့လည်း မျှော်လင့်နေကြတာဖြစ်ပါတယ်။အဓိကသရုပ်ဆောင်တစ်ယောက်ဖြစ်တဲ့ Jung Ho Yeon ဆိုရင် မော်ဒယ်တစ်ယောက်ဖြစ်တာတောင် ပိုင်ပိုင်နိုင်နိုင်သရုပ်ဆောင်နိုင်တာပဲဖြစ်ပါတယ်။Ho Yeon ကလည်း အောင်မြင်နေတဲ့ runways မော်ဒယ်တစ်ဦးဖြစ်ပြီး ပရိသတ်အများအပြားကို ပိုင်ဆိုင်ထားပါတယ်။
သူမရဲ့ Best Friend တစ်ဦးဖြစ်တဲ့ Black Pink အဖွဲ့ဝင်တစ်ဦး Jennie ကလည်း Squid Game ရိုက်ကူးကတည်းကSupport လုပ်ပေးခဲ့တာဖြစ်ပါတယ်။ရိုက်ကွင်းကိုလည်း Food Truck ပို့ပေးခဲ့တဲ့အပြင် လူကိုယ်တိုင်သွားရောက်ပြီးတော့လည်း အားပေးခဲ့တာဖြစ်ပါတယ်။Jennie နဲ့ Ho Yeon တို့ရဲ့ သူငယ်ချင်းသက်တမ်းကလည်း နှစ်ပေါင်းများစွာကြာမြင့်နေပြီဖြစ်လို့ တစ်ယောက်ကိုတစ်ယောက်ကူညီဖေးမပေးပြီး အမြဲအားပေးနေတာပဲဖြစ်ပါတယ်။
ဒီနေ့မှာတော့ Ho Yeon က သူမရဲ့ Instagram မှာ Jennie နဲ့ နှစ်ယောက်အတူ တွဲရိုက်ထားတဲ့ပုံလေးကို တင်လာတာဖြစ်ပါတယ်။အဲ့ဒီပုံလေးကတော့ သူမရဲ့ရိုက်ကွင်းကို Jennie လာလည်စဉ်က ရိုက်ကူးထားတာပဲဖြစ်ပါတယ်။Ho Yeon တို့သူငယ်ချင်းနှစ်ယောက်ကတော့ အနုပညာနယ်ပယ်မှာ အောင်မြင်မှုကိုယ်စီနဲ့ လျှောက်လှမ်းနေကြပြီး တစ်ယောက်ကိုတစ်ယောက် support ပေးနေကြတဲ့ ကြည်နူးစရာပုံလေးကိုပြန်လည်မျှဝေပေးလိုက်ပါတယ်။
Source&Photo Credit:Jung Ho Yeon’s IG acc