မြန်မာနိုင်ငံဟာ ၂၀၂၁ ခုနှစ်၊ဖေဖော်ဝါရီ(၁)ရက်နေ့မှစ၍ စစ်ကောင်စီရဲ့ အာဏာထိန်းချုပ်မှုအောက်မှာရှိနေခဲ့ရတာပဲဖြစ်ပါတယ်။ထိုသို့ အာဏာထိန်းချုပ်မည်ဖြစ်ကြောင်း ကြေငြာပြီး သိပ်မကြာခင်မှာ ပြည်သူလူထုဟာ လမ်းမပေါ်တက်ကာ ကြွေးကြော်သံများဖြင့် ငြိမ်းချမ်းစွာဆန္ဒပြမှုများစတင်ပြုလုပ်လာကြပါတော့တယ်။
သို့သော် မတ်လမှစ မေလအထိ သပိတ်စစ်ကြောင်းများစွာကို စစ်ကောင်စီက ဖြိုခွင်းခဲ့ကြပါတယ်။ဒါကြောင့်ပြည်သူများဟာ ထိုကာလမှစလို့ ပျောက်ကျားသပိတ်စစ်ကြောင်းများဖြင့်သာ သွေးအေးမနေကြောင်းကို ချီတက်ဆန္ဒပြလေ့ရှိကြပါတယ်။
အခက်အခဲအတားအဆီးများ ရှိတဲ့ကြားကကိုပဲ ယမန်နေ့ စက်တင်ဘာ(၂၆)ရက်နေ့က အ.လ.က (၁၂)အခြေခံကျောင်းသားများသမဂ္ဂ(အ.က.သ)သပိတ်စစ်ကြောင်းဟာ ငြိမ်းချမ်းစွာချီတက်ဆန္ဒပြခဲ့ပါတယ်။အမှန်တရားကိုထောက်ခံအားပေးကြတဲ့လူငယ်တွေရဲ့ စိတ်ဓာတ်ကိုတော့ အင်မတန်လေးစားမိပါတယ်။အားလုံးဘေးကင်းကြပါစေ။