အလည်လာရောက်သူတွေရဲ့ အသက်ကိုနှုတ်ယူရာမှာ နာမည်ကြီးတဲ့မြွေကျွန်း

Snake Island လို့ခေါ်တဲ့ ဒီမြွေကျွန်းလေးကတော့ ဘရာဇီးနိုင်ငံအတွင်းမှာ တည်ရှိနေတဲ့ ကျွန်းလေးတစ်ကျွန်းပဲ ဖြစ်ပါတယ်။

ဒီကျွန်းလေးဟာ ကမ္ဘာပေါ်က အဆိပ်အပြင်းထန်ဆုံးသော မြွေတစ်မျိုးဖြစ်သည့် Bothrops တွေများစွာရှိတာကြောင့် သွားလာဖို့တားမြစ်ခံရထားရတဲ့ ကျွန်းလေးပဲ ဖြစ်ပါတယ်။

ဒီကျွန်းလေးမှာ ဘယ်လောက်တောင် မြွေပေါသလဲဆိုရင် ကျွန်း၏ တစ်စတုရန်းမီတာနေရာတိုင်းတွင် မြွေငါးကောင်ရှိ တယ်လို့ သိပ္ပံပညာရှင်တွေက ပြောကြားထားပါတယ်။ ဒီကျွန်းလေးပေါ်မှာ မြွေကိုက်ခံရပြီး သေဆုံးသွားတဲ့ လူတွေ အမြောက်အမြားရှိခဲ့ပြီး အဆိုးဆုံးကတော့ ဒီကျွန်းလေးပေါ်မှာ အလုပ်လုပ်နေတဲ့ မီးပြစောင့်ပါ မြွေကိုက်ခံရလို့ သေဆုံးသွားပြီးကတည်းက မီးပြတိုက်မှာ လူထပ်မထားတော့ပဲ အလိုအလျောက် မီးပြသည့် စနစ်ကိုကျင့်သုံးခဲ့ပါတယ်။

နောက်ပိုင်းမှာတော့ အစိုးရဟာ ဒီကျွန်းလေးပေါ်ကို ဘယ်သူမှ မလာရောက်စေရန် တားမြစ်နယ်မြေပြုလုပ်ထားပြီး ယခုအခါမှာတော့ ကျွန်းလေးဟာ လူသူမရှိတဲ့ တောရိုင်းကြီး တစ်ခုအဖြစ်ရှိလို့နေပါတယ်။

ကျွန်းလေးကတော့ လှပတယ်ဆိုပေမယ့် သွားလာဖို့အတွက်ကတော့ တော်တော်လေးကိုစဥ်းစားပြီမှ သွားသင့်တဲ့ ကျွန်းလေးတစ်ခုပါပဲ။

သတင်း အရင်းအမြစ်៖ Wikipedia