ယနေ့မှာ အသက် (၃၉) နှစ်ပြည့်သွားတဲ့ နှုတ်ခမ်းနီမလေးတွေအသည်းကျော် မင်းသားချော Hyun Bin

အားလုံချစ်ကြတဲ့ တောင်ကိုရီးယားရဲ့ ထိပ်တန်းမင်းသားတစ်လက်ဖြစ်တဲ့ Hyun Bin ကတော့ ဒီနေ့ စက်တင်ဘာ (၁၅)ရက်နေ့ မှာ အသက် (၃၉) နှစ်ပြည့်သွားပါပြီ။  

Hyun Bin ဟာ Youngdong အထက်တန်းကျောင်းထွက်ဖြစ်ပြီး Chung-Ang University မှ ဘွဲ့ရထားတဲ့ ဘွဲ့ ရပညာတတ် မင်းသားတစ်ဦးပါ။ ဒါ့အပြင် ဘွဲ့လွန် ပါထက်တက်ထားသူလို့ သိရပါတယ်။ ၂၀၁၃ ခုနှစ်ထဲက အနုပညာလောကထဲ ခြေချလာခဲ့သူဖြစ်ပါတယ်။

Hyun Bin က My Name is Kim Sam-soon (2005), Worlds Within (2008), Secret Garden (2010–2011), Memories of the Alhambra (2018–2019),Crash Landing on You (2019–2020) တွေမှာ အဓိက သရုပ်ဆောင်အဖြစ် ပါဝင်ခဲ့သူပါ။

ပါးချိုင့်လေးနဲ့ မင်းသားလေးလို့ လူသိများတဲ့ Hyun Bin က တောင်ကိုရီးယားနိုင်ငံမှာသာမက အာရှနိုင်ငံများနဲ့ အခြားနိုင်ငံတွေမှာလည်း ပရိသတ်အခိုင်အမာရရှိထားသူ တစ်ဦးလည်း ဖြစ်ပါတယ်။ Crash Landing on You စီးရီးမှာ မြောက်ကိုရီးယားဗိုလ်ကြီးCharacter နဲ့ သရုပ်ဆောင်ခဲ့ရာမှ မြန်မာပရိသတ်တွေရဲ့ တစ်ခဲနက် အားပေးမှုကိုလည်း ရရှိခဲ့တာလည်းဖြစ်ပါတယ်။

ဗိုလ်ကြီးရယ်လို့ အသည်းစွဲ ချစ်ကြတဲ့ မင်းသားကတော့ Social Media သုံးတဲ့သူမဟုတ်ပေမယ့် သူ့ရဲ့ Agency ဖြစ်တဲ့ Vast Entertainment ကတော့ သူ့ရဲ့ချစ်စရာ ငယ်ဘဝပုံလေးနဲ့ “ပျော်ရွှင်စရာမွေးနေ့ဖြစ်ပါစေ Bin” လို့ မွေးနေ့ဆုတောင်းလေးတင်ပေးခဲ့ပါတယ်။