BlackPink အဖွဲ့ဝင်တစ်ဦးဖြစ်တဲ့ Lisa ကတော့ မကြာသေးခင်ကမှ သူမရဲ့တစ်ကိုယ်တော် Album နဲ့ ပရိသတ်တွေကို စတင်မိတ်ဆက်ပေးခဲ့တာ ဖြစ်ပါတယ် ။ အခုဆိုရင် Lisa ရဲ့ Album ထဲကနေ "LALISA" နဲ့ "Money" ဆိုတဲ့ Music Video နှစ်ပုဒ်ကလည်း ထွက်ရှိလာပြီ ဖြစ်ပါတယ် ။ Lisa ရဲ့ MV နှစ်ပုဒ်လုံးက တစ်မူထူးခြားတဲ့ပုံစံတွေနဲ့ အမိုက်စားဖန်တီးထားတာကြောင့် အချိန်ခဏလေးအတွင်းမှာတင် အရမ်းရေပန်းစားသွားပြီး နိုင်ငံတကာအထိ အောင်မြင်နေတာ တွေ့ရပါတယ်။
အခုလည်း BlackPink အဖွဲ့ဝင်တွေက အသစ်ထွက်ရှိထားတဲ့ Lisa ရဲ့သီချင်းလေးနဲ့ ကပြခဲ့တာ ဖြစ်ပါတယ် ။ BlackPink Member တွေဖြစ်တဲ့ Ji Soo, Jennie နဲ့ Rose တို့သုံးယောက်က "LALISA" သီချင်းလေးနဲ့ ပျော်ပျော်ပါးပါး ကပြခဲ့ကြတာ ဖြစ်ပါတယ် ။ သူမတို့သုံးယောက်ကတော့ အဖွဲ့ထဲမှာ အငယ်ဆုံးလေးဖြစ်တဲ့ Lisa ရဲ့သီချင်းအသစ်လေးကို အတူဝန်းရံအားပေးခဲ့ကြတာပဲ ဖြစ်ပါတယ် ။
ဒါ့အပြင် Lisa က Ji Soo နဲ့အတူ "LALISA" သီချင်းလေးကို အတူတူကပြထားတဲ့ ဗီဒီယိုဖိုင်လေးကိုလည်း မျှဝေခဲ့ပါသေးတယ်။ ဒီဗီဒီယိုဖိုင်ထဲမှာတော့ Lisa နဲ့ Ji Soo တို့က အမိုက်စားကကွက်တွေကို စည်းချက်ကျကျကခုန်ရင်း ပျော်ရွှင်နေကြတာပဲ ဖြစ်ပါတယ် ။ သီချင်းအသစ်ထွက်ရှိထားတဲ့ Lisa ကို ဝန်းရံအားပေးတဲ့အနေနဲ့ "LALISA" MV ထဲကကွက်တွေကို အတူတူကပြခဲ့ကြတဲ့ BlackPink အဖွဲ့ဝင်တွေရဲ့ဗီဒီယိုဖိုင်လေးတွေကို ပြန်လည်ဖော်ပြပေးလိုက်ရပါတယ်။
Source & Video Credit-Sooya's IG Acc & Lalisa's IG Acc