အဆိုတော်နီလန်းကတော့ အနုပညာပိုင်းမှာ အောင်မြင်စွာရပ်တည်တဲ့အပြင် အလှအပမှာလည်း မိန်းကလေးတွေရဲ့ အားပေးဝန်းရံမှုတွေကို အခိုင်အမာရရှိထားကာ ကိုယ်ပိုင်စီးပွားရေးတွေလုပ်ဆောင်နေသူပဲ ဖြစ်ပါတယ်။ ချင်းတိုင်းရင်းသူလေးဖြစ်တဲ့ နီလန်းကတော့ Myanmar Idol ပြိုင်ပွဲကနေ ပရိသတ်တွေရဲ့ အသိအမှတ်ပြုအားပေးမှုတွေကို ပိုင်ဆိုင်ထားသူလည်း ဖြစ်ပါတယ်။
လက်ရှိပြည်တွင်းရေး အခြေအနေတွေမှာလည်း ပြည်သူတွေနဲ့ ရပ်တည်နေတဲ့ နီလန်းကတော့ ကိုဗစ်ရောဂါကူးစက်ခံစားနေရတာကြောင့် အနားယူနေရတဲ့အကြောင်းတွေ ဝေမျှပြောပြလာပါတယ်။ ပြီးခဲ့တဲ့ ရက်ပိုင်းကတည်းက ကိုဗစ်ရောဂါကူးစက်ခံစားနေရတာဖြစ်ပြီး သူမရဲ့လူမှုကွန်ယက်စာမျက်နှာကနေ ပရိသတ်တွေကို အသိပေးပြောပြထားတာပါ။
ကျန်းမာရေးမကောင်းတာကြောင့် NileN Beauty Service လေးတွေကို ခဏလောက် အနားယူခွင့် ပေးကြဖို့လည်း ပြောထားပြီး နေပြန်ကောင်းတာနဲ့ အလုပ်တွေပိုကြိုးစားမယ့်အကြောင်းတွေလည်း နီလန်းက ပြောပြထားပါသေးတယ်။ ပရိသတ်တွေအားလုံးကလည်း သူမအတွက် စိတ်ပူကာ ဂရုစိုက်ဖို့ပြောထားကြသလို အမြန်ဆုံးနေကောင်းကျန်းမာလာစေဖို့ကိုလည်း အားပေးဆုတောင်းထားကြတာ တွေ့ရပါတယ်။
သတင်း အရင်းအမြစ်៖ NileN Beauty's Fb Page