ဒီအဖြစ်အပျက်လေးကတော့ နယူးဇီလန်နိုင်ငံသား Jamie Grainger ဆိုသူက သူ့ရဲ့သူငယ်ချင်းနဲ့ ယခုလိုလောင်းကစားပြုလုပ်ခဲ့တာဖြစ်ပါတယ်။ Jamie Grainger ဟာ သူရဲ့သူငယ်ချင်းဖြစ်သူ Aurel နဲ့ အလောင်းအစားတစ်ခု ပြုလုပ်ခဲ့တာဖြစ်ပြီး ဘောင်းဘီမပါပဲ ပျားအုံပေါ်မှာ စက္ကန့်သုံးဆယ်အတိ ထိုင်နိုင်တယ်ဆိုရင် နယူးဇီးလန်ဒေါ်လာတစ်ထောင်ပေးဖို့ စိန်ခေါ်ခဲ့ကြတာဖြစ်ပါတယ်။
သူတို့သူငယ်ချင်းတွေကတော့ ယခုလို ပေါက်ကရပြိုင်ပွဲလေးတွေ ပြုလုပ်တဲ့အကျင့်တွေရှိကြပါတယ်။ သူတို့တွေဟာ သူငယ်ချင်းကြားမှာ ပက်ကျိတွေ ဝက်ဝှေးစေ့တွေနဲ့ ငါးအရှင်တွေရဲ့မျက်လုံးတွေကို စားနိုင်မနိုင် အလောင်းအစားလုပ်လေ့ရှိသူတွေလည်း ဖြစ်ပါတယ်။ ယခုအခါလည်း ပျားအုံပေါ်မှာ ဘောင်းဘီမပါပဲ ထိုင်နိုင်မလားဆိုတာလောင်းခဲ့ကြတာဖြစ်ပါတယ်။ Aurel ဘက်ကစတင်စိန်ခေါ်ခဲ့တာလို့လည်း သိရပါတယ်။
သူငယ်ချင်းတွေထဲကတစ်ယောက်က ပထမဦးဆုံးယှဉ်ပြိုင်ခဲ့ပြီး ၁၉စက္ကန့်သာ ပျားအုံပေါ်မှာထိုင်နိုင်ခဲ့ပါတယ်။ဒါပေမဲ့ Jamie ကတော့ ပြိုင်ပွဲစည်းကမ်းအတိုင်း သုံးဆယ်စက္ကန့်အထိပျားအုံပေါ်မှာထိုင်နိုင်ခဲ့ပါတယ်။ပြိုင်ပွဲအောင်နိုင်ခဲ့သူ Jamie ကတော့ နယူးဇီလန်ဒေါ်လာတစ်ထောင်(အမေရိကန်ဒေါ်လာ၆၅၀)ရရှိသွားခဲ့တယ်လို့သိရပါတယ်။ ရရှိခဲ့တယ့်ငွေတွေကြောင့် အောင်နိုင်သူ Jamie ဟာ မင်္ဂလာဆောင်ဖို့အတွက် စရိတ်ရရှိသွားခဲ့တယ်လို့လည်း သိရှိရပါတယ်။
သတင်း အရင်းအမြစ်៖ Mirror