ညစ်ညမ်းရုပ်သံများကို အင်တာနက်ပေါ်မှာဖြန့်ဝေမှုနဲ့ ဖမ်းဆီးခံခဲ့ရတဲ့ အသက် (၁၉)နှစ်အရွယ် နာမည်ကြီးထိုင်းမော်ဒယ်လ် Kainaoa တို့ချစ်သူနှစ်ယောက်

ထိုင်းနိုင်ငံမှာဆိုရင် နာမည်ကြီးမော်ဒယ်လ်၊သရုပ်ဆောင်တွေလည်း ဥပဒေနဲ့မလွတ်ကင်းရင် ဖမ်းဆီးခံရပြီးငွေဒဏ်၊ထောင်ဒဏ်တွေချမှတ်ခံရတာဖြစ်ပါတယ်။စက်တင်ဘာလ (၂၀)ရက်နေ့က နာမည်ကြီးထိုင်းမော်ဒယ်တစ်ဦး ဖမ်းဆီးခံခဲ့ရတဲ့သတင်းကိုသိခဲ့ရပါတယ်။သူမကတော့ OnlyFans website မှ Kainaoa ဖြစ်ပြီး ထိုင်းပြည်သူတွေကြားမှာ ရေပန်းစားနေသူတစ်ဦးပဲဖြစ်ပါတယ်။

ထိုင်းရဲတွေကတော့ Kainaoa ကို ညစ်ညမ်းရုပ်သံများ အင်တာနက်ပေါ်မှာဖြန့်ဝေမှုနဲ့ ဖမ်းဆီးခဲ့တာဖြစ်ပါတယ်။Kainaoa တို့ချစ်သူနှစ်ယောက်လုံးကို Samut Prakan မြို့မှာ ထိုင်းရဲတွေကဖမ်းဆီးလိုက်တာဖြစ်ပါတယ်။သူမကို တရားစွဲဆိုထားတဲ့ပုဒ်မကတော့ ငွေဒဏ်ဘတ် ၆၀၀၀၀ နဲ့ ထောင်ဒဏ် ၃ နှစ်အထိ ကျခံရနိုင်တယ်လို့သိရပါတယ်။Kainaoa တို့ချစ်သူနှစ်ယောက်ကလည်း လက်ရှိမှာ အမှုရင်ဆိုင်ဖို့အတွက် ပြင်ဆင်နေကြတာဖြစ်ပါတယ်။

Kainaoa ကတော့ အသက် (၁၉)နှစ်အရွယ်သာရှိသေးပြီး ထိုင်းရဲတွေကလည်း သူမတို့ချစ်သူနှစ်ဦးကိုမေးမြန်းဖို့အတွက် ရဲစခန်းမှာခေါ်ထားတာဖြစ်ပါတယ်။ရဲတွေရဲ့ဖိအားပေးမှုကြောင့် Kainaoa က Only Fans website မှနှုတ်ထွက်တော့မည်ဖြစ်ကြောင်းကြေငြာခဲ့ပါတယ်။သူမကိုအားပေးကြတဲ့ ပရိသတ်တွေကလည်း ထိုင်းလူမှုကွန်ယက်မှာ "Her Body,her choice "လို့ ရေးသားပြီး အပြင်းအထန်ကန့်ကွက်နေကြကြောင်းကို ပြန်လည်ရေးသားမျှဝေပေးလိုက်ပါတယ်။

Source:Thai Enquirer