အမေရိကန်နိုင်ငံမှာ နေထိုင်တဲ့ Katie လို့ခေါ်တဲ့မိန်းကလေးဟာ သူမအသက် ၁၆ နှစ်အရွယ်လောက်မှာ ကောင်လေးတစ်ယောက်နဲ့ ချစ်ကြိုက်ခဲ့ပါတယ်။
နှစ်အနည်းငယ်ကြာလာတဲ့အချိန်မှာ Katie ဟာအူအတက်ဖြတ်ခဲ့ရပြီး ကျန်းမာရေးပြန်ကောင်းဖို့နားနေရတဲ့ အချိန်အတွင်းမှာပဲ ချစ်သူကောင်လေးက အခြားတစ်ယောက်နဲ့ ဖောက်ပြန်နေတာကို သိခဲ့ရပါတယ်။
ဒါ့ကြောင့်ပဲ Katie ဟာအကိုဖြစ်သူရဲ့ ရိုင်ဖယ်သေနတ်ကိုယူပြီး ကိုယ့်မျက်နှာကိုယ်ပြန်ပစ်ကာ သေကြောင်းကြံခဲ့ပါတယ်။
ဒါပေမယ့်လည်း Katie ရဲ့သေကြောင်းကြံစည်မှုဟာ မအောင်မြင်ခဲ့ပဲ အသက်ဆက်ရှင်ခဲ့ပါတယ်။
ဒါပေမယ့် သူမရဲ့မျက်နှာကတော့ ပွင့်ထွက်သွားခဲ့ပြီး ရစရာမရှိအောင်ဖြစ်သွားခဲ့ပါတယ်။
အဲ့ဒီနောက်မှာတော့ Katie ရဲ့မိဘတွေဟာ ဆေးရုံကိုပို့ပြီး သမီးလေးရဲ့မျက်နှာကိုဆေးကုသမှုတွေအပြင် ခွဲစိတ်မှုတွေကိုပါ နှစ်နဲ့ချီအောင်ပြုလုပ်ပေးခဲ့ပါတယ်။
Katie ဟာသူမရဲ့မျက်နှာလေးပြန်ကောင်းလာဖို့အတွက် ဆရာဝန်တွေနဲ့သေချာတိုင်ပင်ပြီး ခွဲစိတ်မှုပေါင်းများစွာ ပြုလုပ်ခဲ့ရပါတယ်။သူမရဲ့ကြိုးစားမှုကြောင့်ရော ဆရာဝန်တွေရဲ့ကုသပေးမှုကြောင့်ရော Katie ရဲ့မျက်နှာဟာအခြေအနေဟာ တဖြေးဖြေးတိုးတက်လာခဲ့ပြီး သာမန်ပုံစံအတိုင်းနီးပါးဖြစ်တဲ့ မျက်နှာတစ်ခုကိုပြန်လည်ရရှိခဲ့ပါတယ်။
အရင်လိုချောမောလှပတဲ့ မျက်နှာလေးကိုတော့ ပြန်မရနိုင်တော့ပေမယ့် အခုဆိုရင်တော့ Katie ဟာသူမရဲ့ ဒုတိယမျက်နှာလေးတစ်ခုကို ပိုင်ဆိုင်ထားနိုင်ပြီပဲ ဖြစ်ပါတယ်။
သတင်း အရင်းအမြစ်៖ TheSun
Bong I.T