သရုပ်ဆောင်မင်းသမီးချောလေး ဘေဘီမောင်နဲ့ အဆိုတော်ချောလေး သားဂန်းတို့ကတော့ ပရိသတ်တွေ အားကျချစ်ခင်နေကြရတဲ့ အနုပညာရှင်ဆယ်လီစုံတွဲလေးပဲ ဖြစ်ပါတယ်။ တစ်ယောက်ကိုတစ်ယောက် နားလည်မှုအပြည့်နဲ့ ကြည်နူးပျော်ရွှင်စရာကောင်းတဲ့ အချစ်ရေးလေးကို ပိုင်ဆိုင်ထားတဲ့ သူတို့နှစ်ဦးကတော့ ကောင်းမှုလေးတွေကိုလည်း အတူပြုနေကြတာ ဖြစ်ပါတယ်။
လှူဒါန်းမှုတွေကို မကြာခဏပြုလုပ်နေတဲ့ သားဂန်းနဲ့ ဘေဘီမောင်တို့ကတော့ လက်ရှိမှာလည်း လိုအပ်နေတဲ့ပြည်သူတွေအပြင် သာသနာ့ဘောင်အတွင်းက ရဟန်းသံဃာတော်တွေ အတွက်လည်း လှူဒါန်းမှုတွေ ပြုလုပ်နေတာ ဖြစ်ပါတယ်။ စက်တင်ဘာလ (၂၁)ရက်နေ့ကလည်း ချစ်သူနှစ်ဦး သီလရှင်ဆရာလေးတွေအတွက် ဆေးဝါးနဲ့ နဝကမ္မဝတ္တူငွေတွေ လှူဒါန်းကုသိုလ်ယူခဲ့ပါသေးတယ်။
Omega 3 , Vit C အားဆေးများနဲ့ နဝကမ္မ ဝတ္ထူငွေများကို လှူဒါန်းခဲ့တာဖြစ်ပြီး သူမတို့ရဲ့ ကြည်နူးစရာ အလှူကုသိုလ်လေးတွေကို ဘေဘီမောင်က ပြန်လည်မျှဝေထားတာ ဖြစ်ပါတယ်။ နှစ်ကိုယ်တူ ယှဉ်တွဲပြီး ကောင်းမှုလေးတွေပြု နေကြတဲ့ သူမတို့စုံတွဲလေးအတွက် ပရိသတ်တွေကလည်း ဝမ်းသာစွာသာဓုခေါ် ဆုတောင်းပေးထားကြတာ တွေ့ရပါတယ်။
သတင်း အရင်းအမြစ်៖ Baby Maung's Fb Acc