တောင်ကိုရီးယားနိုင်ငံ မှာရှိတဲ့ Gonjiam ဆေးရုံဟာ ကမ္ဘာပေါ်တွင် ကမ္ဘာ့ကြောက်မက်ဖွယ်ရာ အကောင်းဆုံး ဆေးရုံအဖြစ် နာမည်ကြီးပါတယ်။ ဒီဆေးရုံကြီးရဲ့ နာမည်ကြီးနေရတဲ့ အကြောင်းရင်းကတော့ ဆေးရုံမှာ လာရောက် ကုသနေတဲ့ လူနာတွေဟာ ထူးဆန်းစွာ သေဆုံးကုန်ကြပြီး ဆေးရုံဆင်းခွင့်ရခါနီး ဖြစ်တဲ့ လူနာတွေဟာလည်း လူမသိသူမသိ ပျောက်ဆုံးသွားခဲ့တာကြောင့်ပဲ ဖြစ်ပါတယ်။
လူတွေပျောက်ဆုံးတာများလာတဲ့အခါမှာတော့
ပျောက်ဆုံးသွားတဲ့ လူမမာတွေရဲ့ လူနာရှင်တွေက မကျေနပ်ဖြစ်ပြီး ဒီဆေးရုံကြီးကို တရားစွဲဆိုခဲ့ကြပါတယ်။
ဒါ့ကြောင့်ဆေးရုံပိုင်ရှင်ဟာလည်း ပြည်ပနိုင်ငံတစ်ခုကို ထွက်ပြေးသွားခဲ့ရပြီး ဆေးရုံကိုလည်းပိတ်သိမ်းခဲ့ရတာ နှစ်တော်တော်ကြာနေပြီပဲ ဖြစ်ပါတယ်။
တောင်ကိုရီးယားအစိုးရတော့ ဆေးရုံကို သန့်ရှင်းမှုမရှိ၍ ပိတ်ခဲ့ရသည် ဟုဆိုခဲ့သော်လည်း တခြားအကြောင်းရင်းတွေရှိနေသေးတယ်လို့ ယုံကြည်နေကြသူတွေ လည်းရှိပါတယ်။
အဲ့ဒီနောက်မှာတော့ ဒီဆေးရုံကြီးဟာ တိတ်ဆိတ်ခြောက်ချားစရာကောင်းတဲ့ နေရာတစ်ခုအဖြစ်ရှိနေခဲ့သလို ယုံတမ်းပုံပြင်တွေလည်း အများကြီးထွက်ပေါ်ခဲ့ပါတယ်။
ဒါ့အပြင် ဒီဆေးရုံကြီးမှာ သေဆုံးသွားသူတွေဟာမကျွတ်မလွတ်ပဲ ခြောက်လှန့်နေကြတယ်လို့လည်း ပြောဆိုခဲ့ကြတာကြောင့် ဒီဆေးရုံကြီးဟာ သရဲခြောက်တဲ့ ဆေးရုံကြီးလို့လည်း နာမည်ကြီးပါတယ်။
သရဲအကြောင်းရိုက်ကူးတဲ့ လူတွေကလည်း ဒီဆေးရုံကြီးထဲမှာ သရဲလာရှာလေ့ရှိကြသလို လေ့လာစူးစမ်းသူတွေလည်း ဒီဆေးရုံကြီးရဲ့ ထူးဆန်းတဲ့အကြောင်းအရာတွေကို လာရောက်စူးစမ်းလေ့ရှိကြပါတယ်။
သတင်း အရင်းအမြစ်៖ atlasobscura