ပရိသတ်တွေရဲ့ အားပေးချစ်ခင်ခြင်းကို အခိုင်အမာ ရရှိထားတဲ့ စူးရှထက်ကတော့ လတ်တလောမှာ အခြေအနေတွေ အမျိုးမျိုးကြောင့် စားဝတ်နေရေးခက်ခဲနေကြတဲ့ ပြည်သူတွေအတွက် စားသောက်ကုန်များကို ထောက်ပံ့ကူညီနေတဲ့အပြင် အလှူငွေတွေလည်း တတ်နိုင်သလောက် လှူဒါန်းနေတာ တွေ့ရပါတယ်။
ဒါ့အပြင် ကိုဗစ်ရောဂါတွေ ဖြစ်ပွားနေတဲ့ ကာလတစ်လျှောက်မှာလည်း အောက်ဆီဂျင်အိုးတွေ အပြင် အခြား လိုအပ်တာတွေလည်း လှူဒါန်းခဲ့ပါသေးတယ် ။ သူကိုယ်တိုင် အလုပ်တွေ ရပ်နားထားရလို့ ဝင်ငွေ မရှိနေပေမယ့် ရှာဖွေ စုဆောင်းထားတာလေးတွေနဲ့ ကိုယ်ကျိုးမကြည့်ဘဲ အများအတွက် လိုအပ်တာတွေကို စိတ်ရော ကိုယ်ပါနှစ်ပြီး လုပ်ဆောင်နေသူမို့ အားလုံးက လေးစား ချစ်ခင်နေကြတာပါ ။
အခုလည်း မိတ်ဆွေတွေနဲ့ စုပေါင်းကာ ရပ်ကွက် အတွင်းက စားဝတ်နေရေး ခက်ခဲနေသူတွေ အဆင်ပြေစေရန် ရည်ရွယ်ပြီး ဟင်းသီး ဟင်းရွက်များကို အလျှံပယ် ရက်ရက်ရောရော လှူဒါန်းဝေဌလျက်ရှိပါတယ် ။ လာရောက်ယူဆောင်ကြသူတွေ များပြားတာကြောင့် စူးရှထက်တစ်ယောက် ပြုံးပျော် ပီတိဖြစ်နေတာကို ပုံတွေထဲမှာ တွေ့ရမှာပါ ။ ပရိသတ်ကြီးအတွက် စူးရှထက်ရဲ့ အလှူပုံတွေကို ဝေမျှပေးလိုက်ပါတယ် ။