စစ်ကောင်စီဟာ၂၀၂၁ ၊ ဖေဖော်ဝါရီ (၁)ရက်နေ့မှာ မြန်မာနိုင်ငံကို အာဏာထိန်းချုပ်မှုများစတင်ပြုလုပ်ခဲ့ပါတယ်။ဤဖြစ်စဥ်ကြောင့် မြန်မာနိုင်ငံဟာ အုတ်အော်သောင်းနင်းဖြစ်ခဲ့ရသလို နိုင်ငံတကာကလည်း ဒီအရေးကိုစိတ်ဝင်စားခဲ့ကြပါတယ်။ပြည်သူများဟာ ဒီဖြစ်စဥ်ကြောင့် ဖေဖော်ဝါရီလမှစ ဆန္ဒပြသပိတ်စစ်ကြောင်းများကို ငြိမ်းချမ်းစွာပြုလုပ်ခဲ့ကြပါတယ်။
သပိတ်စစ်ကြောင်းများကို ငြိမ်းချမ်းစွာ ပြုလုပ်ခဲ့ကြပေမယ့် မတ်လမှ စ၍ သပိတ်စစ်ကြောင်းများဟာတောက်လျှောက် ဖြိုခွင်းခံခဲ့ရပါတယ်။ဒါ့အပြင် ဝရမ်းထုတ်ခံရသူများ၊ဖမ်းဆီးခံရသူများ၊အချုပ်အနှောင်ကျသူများအပြင် ကျဆုံးသူများပါရှိလာပါတယ်။
ထိုကာလမှစလို့ ပြည်သူအချို့ဟာ ပြည်သူအချင်းချင်းပြန်လည်ကာကွယ်နိုင်ရေးအတွက် ပြည်သူ့ကာကွယ်ရေးအဖွဲ့ သင်တန်းများသို့ ဝင်ရောက်လာကြပါတယ်။ထို သင်တန်းမှ ပြည်သူများအတွက်ကာကွယ်မှုအပြည့်အဝပေးနိုင်ရန် စစ်သင်တန်းများသင်ကြားကြပါတယ်။ယနေ့မှာလည်း ဒေါင်းမင်းစစ်ဆင်ရေး (TYC-PDF ) နှင့် ထားဝယ်တောင်ပိုင်းပြည်သူ့ကာကွယ်ရေးတပ်ဖွဲ့(DSPDF) တို့ရဲ့ PDF အလံတော်လွှင့်ထူ အလေးပြုခြင်း နှင့် PDF စစ်သင်တန်းဆင်းပွဲ အခမ်းအနားပြုလုပ်ခဲ့ကြောင်းသိရပါတယ်။