မြန်မာနိုင်ငံရဲ့လက်ရှိနိုင်ငံရေးအခြေအနေတွေအပြင် မိုးသည်းထန်စွာရွာသွန်းမှုတွေကြောင့် ရေကြီးမှုအန္တရာယ်တွေလည်းကြုံတွေ့နေရပြီး ပြည်သူတွေအနေနဲ့ စား၀တ်နေရေးကြပ်တည်းနေကြပြီး နေရေးထိုင်ရေးအဆင်မပြေမှုများနဲ့ တွေ့ကြုံနေကြရတာဖြစ်ပါတယ် ။ အခုလို အခြေအနေအမျိုးမျိုးကြောင့် ပြည်သူချင်း ကူညီထောက်ပံ့မှုတွေပြုလုပ်နေကြပြီး တတ်နိုင်တဲ့ဘက်ကနေ ငွေကြေး၊အစားအသောက်၊ဆေးဝါးစတာတွေကို ကူညီပေးနေကြတာကိုတွေ့ရပါတယ်။
မိုးနှောင်းကာလလည်းဖြစ်တာကြောင့် မြန်မာနိုင်ငံနေရာအနှံ့အပြားမှာ မိုးသည်းထန်စွာရွာသွန်းနေပြီး မြစ်ရေတက်မှုတွေအပြင် ရေကြီးရေလျှံမှုတွေပါ ဖြစ်ပေါ်နေတာတွေ့ရပါတယ် ။ ယမန်နေ့ညမှာဆိုရင်လည်း မြန်မာနိုင်ငံနေရာအတော်များများမှာ မိုးသည်းထန်စွာရွာသွန်းခဲ့ပြီး ရေကြီးရေလျှံမှုတွေဖြစ်ပေါ်နေတာဖြစ်ပါတယ် ။
မုတ်သုံလေအားကောင်းနေမှုကြောင့် မိုးကြီးနိုင်တဲ့ သတိပေးချက်တွေလည်းထုတ်ပြန်ထားတာတွေ့ရပြီး ကလေးမြို့မှာဆိုရင်လည်း မြို့ပေါ်လူနေရပ်ကွက်တွေအထိ ရေလျှံမှုတွေဖြစ်ပေါ်နေတာ တွေ့ရပါတယ်။ မနက်ခင်းအချိန်ရောက်တဲ့အထိ ရေကျသွားမှုမရှိပဲ သွားလာရေးအခက်အခဲဖြစ်နေတာကိုပါတွေ့ရပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ KP DIARY's Facebook page