ပြီးခဲ့တဲ့ရက်ပိုင်းက တောင်ကြီးမြို့ မိုးကုတ်ဝိပဿနာကျောင်း Qစင်တာမှာ ဆဲဆိုရမ်းကားပြီး ရန်ပြုမှုတွေနဲ့ အကြမ်းဖက်လုပ်ရပ်တွေ ဖြစ်ပွားခဲ့ပါတယ်။ စက်တင်ဘာလ(၁၅)ရက်နေ့က တောင်ကြီး၊ မိုးကုတ်ဝိပဿနာကျောင်းမှာ Qဝင်နေတဲ့ လူတချို့ဟာ ဒေါသတကြီးနဲ့ အဆောက်အအုံတွေကို ဖျက်စီးပြီး Volunteer များကို အကြမ်းဖက်ရိုက်နှက်ခဲ့ကြတာပါ။
စက်တင်ဘာ(၁၅)ရက်နေ့ ညပိုင်းက Quarantine ဝင်ရောက်နေသူတချို့ဟာ စေတနာ့ဝန်ထမ်းတွေကို ဆဲဆိုကြိမ်းမောင်းပြီး ကိုယ်ထိလက်ရောက်ပြုမူတဲ့ အပြင် ပစ္စည်းများကို ရိုက်ခွဲ ဖျက်ဆီးခဲ့ကြောင်းနဲ့ ရဲစခန်းသို့ တိုင်ကြားရာမှာလည်း အမှုဖွင့်လှစ် ပေးခြင်း မရှိဘူးလို့ သိရပါတယ်။ ရန်မဖြစ်ဖို့တားတဲ့ Volunteer တယောက်ကိုလည်း လည်ပင်းဓားထောက်ပြီး ဖုန်းကိုပါ ရိုက်ခွဲတာတွေ ရှိခဲ့တယ်လို့ သိရပါတယ်။
မိုးကုတ်ဝိပဿနာရှိ Quarantine Center မှာ အကြမ်းဖက်ရမ်းကားမှုများ ဖြစ်ပေါ်နေတဲ့ ရုပ်သံဗီဒီယိုဖိုင်ဟာ စက်တင်ဘာလ (၁၆)ရက်နေ့က လူမှုကွန်ရက်မှာ ပျံ့နှံ့လာတာ ဖြစ်ပါတယ်။ အဆိုပါဖြစ်စဉ်နဲ့ပတ်သက်ပြီး ပြည်သူတွေကတော့ စိတ်ဆိုးဒေါသထွက်နေကြပြီး ဝေဖန်ရှုံ့ချထားကြတာလည်း တွေ့ရပါတယ်။