Elephany Seal လို့ခေါ်တဲ့ ဒီအကောင်လေးတွေဟာ ဆင်နဲ့လည်းတူသလို ဖျံနဲ့လည်းတူကြပါတယ်။
ဆင်ဖျံလို့လည်း ခေါ်ကြတဲ့ ဒီအကောင်လေးတွေမှာ မြောက်ပိုင်းဆင်ဖျံနဲ့ တောင်ပိုင်းဆင်ဖျံဆိုပြီး နှစ်မျိုးရှိကြပြီး ပုံမှန် အရွယ်အစားကတော့ ၁၅ ပေ ဝန်းကျင်လောက် ရှိတတ်ကြပါတယ်။ဒီဆင်ဖျံတွေရဲ့ ပုံမှန်အရောင်ကတော့ မီးခိုးရောင်နဲ့ အညိုရောင်ဖြစ်ကြပြီး တစ်ခါတစ်ရံမှာ အနက်ရောင်အစက်အပျောက်လေးတွေလည်း တွေ့ရတတ်ပါတယ်လို့ သိရပါတယ်။
မြောက်ပိုင်း ဆင်ဖျံတွေကို များသောအားဖြင့် ကနေဒါ ၊ မက္ကဆီကို နဲ့ အမေရိကန်က ကျွန်းစုတွေအနီးမှာတွေ့ရလေ့ရှိပြီး တောင်ပိုင်းဆင်ဖျံတွေကတော့ တောင်အာဖရိက ၊ အာဂျင်တီးနား နဲ့ နယူးဇီလန် ကျွန်းစုတွေအနီးမှာ တွေ့ရလေ့ရှိပါတယ်။
ဒါ့အပြင် မြောက်ပိုင်း ဆင်ဖျံတွေဟာ တောင်ပိုင်းဆင်ဖျံတွေထက် အကောင်အနည်းငယ်သေးတယ်လို့ သိရပါတယ်။
ဒီဆင်ဖျံတွေမှာ ဆင်တွေလိုပဲ နှာခေါင်းကြီး တစ်ခုရှိပြီး ဒီနှာခေါင်းနဲ့ ရန်သူတွေကို ဖိထောင်းကာ တိုက်ခိုက်နိုင်ကြပါတယ်။ဒါ့အပြင် ဒီဆင်ဖျံတွေဟာ အမတွေ လာရောက် ပေါက်ပွားကြမယ့် ကမ်းခြေနယ်မြေအတွက် အဖိုချင်း နယ်မြေလုပွဲတွေ ဆင်နွှဲ တိုက်ခိုက်တတ်ပါတယ်။ ဆင်ဖျံအမတွေက ၁၁ လလောက်ကိုယ်ဝန်ဆောင်ပြီးရင် ဆင်ဖျံပေါက် ကလေးတစ်ကောင် ဖွားမြင်ပေးပါတယ်လို့လည်း သိရပါတယ်။
သတင်း အရင်းအမြစ်៖ Wikipedia