အပြုံးချိုချိုလေးတွေက လူတိုင်းရဲ့စိတ်ဝိညာဉ်ကိုဖမ်းစားစေနိုင်တာ အမှန်ပဲဖြစ်ပါတယ်။ ကမ္ဘာပေါ်မှာ လူတွေကိုဖမ်းစားနိုင်တဲ့အပြုံးအမျိုးမျိုးရှိကြပေမယ့် ပါးချိုင့်လေးနဲ့ အပြုံးလေးတွေကတော့ လူတွေရဲ့စိတ်ဝိညာဉ်ကို ပိုပြီးဖမ်းစားနိုင်ကြတာကို တွေ့ရပါတယ်။ ဆွဲဆောင်မှုရှိတဲ့ပါးချိုင့်လေးတွေနဲ့ ပရိသတ်တွေကို အရည်ပျော်စေနိုင်တဲ့ ကိုရီးယားမင်းသားလေးတွေအကြောင်းကို ဖော်ပြပေးချင်ပါတယ်။
နံပါတ် (၁)အနေနဲ့ဖော်ပြပေးချင်တဲ့သူကတော့ Kim SeonHoပါ။ သူဟာ မြန်မာပရိသတ်တွေရင်းနှီးပြီးသား မင်းသားတစ်ယောက်ဖြစ်ပြီး "Start-Up" ဆိုတဲ့ဇာတ်လမ်းတွဲမှာ ဟန်ဂျီဖြောင်းအနေနဲ့ ပါ၀င်သရုပ်ဆောင်ခဲ့ပြီး second lead ဖြစ်ခဲ့တာကြောင့် ပရိသတ်တွေရဲ့အားပေးမှုကို ပိုပြီးရခဲ့တာလို့တောင် ပြောလို့ရပါတယ်။ Kim SeonHoလို့ ပြောလိုက်တာနဲ့ သူ့ရဲ့ပါးချိုင့်လေးနဲ့ နှစ်လိုဖွယ်အပြုံးလေးကို တွဲပြီးမြင်ရတဲ့အထိ ဆွဲဆောင်မှုရှိတဲ့သူလေးပါ။
နံပါတ်(၂) အနေနဲ့ဖော်ပြပေးချင်တာတော့ Kim MyungSooပါ။ သူ့ကို INFINITE's Lလို့လူသိများကြပြီး အဆိုတော်တစ်ယောက်လည်းဖြစ်တဲ့အပြင် အောင်မြင်မှုတွေရရှိထားတဲ့ သရုပ်ဆောင်တစ်ဦးလည်းဖြစ်ပါတယ်။ သူ့ရဲ့ချစ်စရာကောင်းပြီး နှစ်လိုဖွယ်အပြုံးလေးကြောင့် ပရိသတ်အတော်များများရဲ့ သည်းသည်းလှုပ်ချစ်ခင်အားပေးမှုကို ရရှိထားတာပါ။
နံပါတ်(၃)ကတော့ Hyun Binပါ။ သူကတော့ မြန်မာပရိသတ်တွေနဲ့ တကူးတကမိတ်ဆက်ပေးစရာမလိုတဲ့ ဒိတ်ဒိတ်ကြဲမင်းသားတစ်ယောက်ပါ။ Hyun Binဟာ ကိုရီးယား industryထဲမှာလည်း ကျော်ကြားမှုအရှိဆုံးနဲ့ အံ၀င်ဂွင်ကျအဖြစ်ဆုံးသရုပ်ဆောင်ချက်တွေကြောင့် နာမည်ကြီးတဲ့သူပါ။ သူ့ရဲ့ ပေါ်လွင်ပြီး ယောကျာ်းပီသတဲ့ jaw lineကို ပါးချိုင့်လေးနဲ့အတူတွဲမြင်ရခြင်းက ဆွဲဆောင်မှုတစ်ခုပဲဖြစ်ပါတယ်။
နံပါတ်(၄)အနေနဲ့ ဖော်ပြပေးချင်တာက Kim MinKyu ပဲဖြစ်ပါတယ်။ သူဟာကိုရီးယားနန်းတွင်းဇာတ်ကားဖြစ်တဲ့ Queen:Love and Warဆိုတဲ့ ဇာတ်လမ်းတွဲမှာအောင်မြင်မှုတွေ စတင်ရရှိခဲ့ပြီး Backstreet Rookie ဆိုတဲ့ဇာတ်လမ်းတွဲမှာလည်း ပါ၀င်သရုပ်ဆောင်ထားတာဖြစ်ပါတယ်။ သူ့ရဲ့ အပြစ်ဆိုဖွယ်မရှိအောင်ချောမောတဲ့ရုပ်ရည်နဲ့ နှစ်လိုဖွယ်အပြုံးလေးကြောင့် ချစ်စရာခွေးပေါက်လေးအနေနဲ့တောင် တင်စားပြီး အချစ်ခံရတဲ့မင်းသားဖြစ်ပါတယ်။
သတင်း အရင်းအမြစ်៖ Twitter