ဇာတ်ကားတွေအပြင် ကြော်ငြာတွေ ရိုက်ကူးကာ ပရိသတ်လက်ခံအားပေးကြတဲ့ သရုပ်ဆောင်တစ်ယောက်အဖြစ် လျှောက်လှမ်းနေပြီး ကိုယ်ပိုင်စီးပွားရေးလုပ်ငန်းတွေလည်း လုပ်ကိုင်နေသူကတော့ မင်းသားချောနေဒွေးပဲ ဖြစ်ပါတယ်..။
နေဒွေးကတော့ လက်ရှိအခြေအနေတွေမှာ ပြည်သူတွေနဲ့အတူ ရပ်တည်ကာ အခက်အခဲဖြစ်နေကြသူတွေကိုလည်း ဖေးမကူညီကာ လှူဒါန်းမှုတွေ ပြုလုပ်နေသူလည်း ဖြစ်ပါတယ်..။
စားဝတ်နေရေး ခက်ခဲနေသူတွေအတွက် တတ်နိုင်သလောက် လှူဒါန်းနေတဲ့ နေဒွေးကတော့ ဒီကနေ့မှာလည်း မြောက်ဥက္ကလာမှ အဖိုးအဖွားတွေအတွက် အိမ်တိုင်ရာရောက်သွားရောက်ကာ အလှူငွေတွေ ပေးအပ်လှူဒါန်းခဲ့တာ တွေ့ရပါတယ်..။
မြောက်ဥက္ကလာ ၂ ရပ်ကွက် ဘုန်းကြီးကျောင်းကွေ့ သဗ္ဗန်ဆိပ်ကျူးတဲမှ အဖိုးအဖွားတွေအတွက် အလှူငွေတွေ လှူဒါန်းခဲ့တဲ့ ပုံရိပ်တွေဝေမျှပြီး ပြည်သူတွေကြုံတွေ့နေရတဲ့ လက်ရှိအခြေအနေတွေနဲ့ ပတ်သက်ပြီး တောင်းဆိုတိုက်တွန်းထားပါသေးတယ်..။
"ဤနေ့စုပေါင်းကုသိုလ်အလှု??????
မြောက်ဥက္ကလာ ၂ရပ်ကွက် ဘုန်းကြီးကျောင်းကွေ့ သဗ္ဗန်ဆိပ်ကျူးတဲ များမှ စားဝတ်နေရေးခက်ခဲနေသော အဖိုးအဖွားပြည်သူများအတွက်?
ခုလိုချိန်မှာမရှိအတူရှိအတူတတ်နိုင်သမျှ ဝေမျှသုံးစွဲကြရမဲ့အချိန်လေးပါဗျာ?
ကျွန်တော်တို့လဲတတ်နိုင်သလောက်လှုပေးနေသလို Wave Pay , KBZ Pay ထုတ်ပေးနေသူအများစုကလည်းတတ်နိုင်သလောက် % လျော့ယူပြီးကူညီပေးရင် အခြေခံလူတန်းစားတွေပိုပြီးအဆင်ပြေကြတာပေါ့ဗျာ? အပူပိုက်ဆံတွေနဲ့ ခေတ်ပျက်မှာသူဌေးမဖြစ်ချင်ကြပါနဲ့ဗျာ??????.." ဆိုပြီး ရေးသားပြောပြထားတာပါ..။
အခက်အခဲဖြစ်နေတဲ့ အဖိုးအဖွားတွေအတွက် ကူညီလှူဒါန်းရင်း လက်ရှိဖြစ်နေတဲ့အခြေအနေတွေနဲ့ ပတ်သက်ပြီးတော့လည်း မေတ္တာရပ်ခံတိုက်တွန်းလိုက်တာ ဖြစ်ပါတယ်..။
သတင်း အရင်းအမြစ်៖ Nay Dway's Fb Acc