၂၀၁၉ခုနှစ်မှစတင်ကာ မြန်မာနိုင်ငံရုပ်ရှင်အစည်းအရုံးဥက္ကဌတစ်ယောက်အနေနဲ့ တာ၀န်ယူဆောင်ရွက်ခဲ့တဲ့ ဒါရိုက်တာဦးညီညီထွန်းလွင်ဟာ ကျန်းမာရေးချို့ယွင်းမှုကြောင့် ရာထူးတာ၀န်မှနှုတ်ထွက်ခွင့်ပြုရန်တောင်းဆိုခဲ့တာဖြစ်ပါတယ်။ ဦးညီဟာ ဒါရိုက်တာတစ်ယောက်အနေနဲ့လည်း အောင်မြင်စွာရပ်တည်ခဲ့တဲ့ ဝါရင့်အနုပညာရှင်ကြီးတစ်ယောက်ဖြစ်တဲ့အပြင် ရုပ်ရှင်အစည်းအရုံးဥက္ကဌတစ်ယောက်အနေနဲ့လည်း တာ၀န်ကျေပွန်စွာထမ်းဆောင်ခဲ့တဲ့သူတစ်ယောက်ဖြစ်ပါတယ်.....။
မြန်မာနိုင်ငံရုပ်ရှင်အစည်းအရုံး(Myanmar Motion Picture Organization)တွင် ဥက္ကဌများအဖြစ် ၂၀၀၅ခုနှစ်မှ ၂၀၀၇ခုနှစ်အထိ ဦးကြည်စိုးထွန်း၊ ၂၀၀၇ခုနှစ်မှ ၂၀၁၂ခုနှစ်အထိ ဦးမြင့်သိန်းဖေ၊ ၂၀၁၂ခုနှစ်မှ ၂၀၁၉ခုနှစ်အထိ ဦးဇင်ဝိုင်း၊ ၂၀၁၃ခုနှစ်မှ ၂၀၁၇ခုနှစ်အထိ ဦးလူမင်း၊ ၂၀၁၉ခုနှစ်မှ ၂၀၂၁ခုနှစ်အထိ ဦးညီညီထွန်းလွင်တို့က အသီးသီးတာ၀န်ယူခဲ့ကြပြီး ရုပ်ရှင်လောကတိုးတက်ရေးအတွက် အင်တိုက်အားတိုက်ကြိုးစားခဲ့ကြတာဖြစ်ပါတယ်။
ဦးညီဟာ အသက်(၆၈)နှစ်ခန့်ရှိနေပြီဖြစ်ပြီး ဆီးချို၊သွေးတိုး၊နှလုံးရောဂါများကိုလည်း ခံစားနေရတဲ့သူလည်းဖြစ်ပါတယ်။ မကြာသေးမီကတော့ မြန်မာနိုင်ငံရုပ်ရှင်အစည်းအရုံး (Myanmar Motion Picture Organisation)ရဲ့ Facebook pageကနေ ဦးညီညီထွန်းလွင်ရဲ့ ကျန်းမာရေးချို့ယွင်းမှုကြောင့်နှုတ်ထွက်စာတစ်စောင်ကို "၁၁.၅.၂၀၂၁ နေ့တွင်ပြုလုပ်သော အထူးအစည်းအဝေးအမှတ် ၃/၂၀၂၁ မှ လက်ခံအတည်ပြုပါသည်....." ဆိုပြီးရေးသားကာ မျှဝေပေးခဲ့တာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်.....။
သတင်း အရင်းအမြစ်៖ Myanmar Motion Picture Organisation