ဆယ်စုနှစ်ကျော်တိုင်အောင် အနုပညာလောကမှာ ပရိသတ်တွေရဲ့ ချစ်ခင်အားပေးမှုကို ရရှိထားတဲ့ သရုပ်ဆောင်ဥက္ကာမင်းမောင်ကတော့ လက်ရှိအချိန်တွင် ပြည်ပနိုင်ငံတွင် နေထိုင်ရင်း အလုပ်လုပ်နေတာ ဖြစ်ပါတယ်။ မြန်မာနိုင်ငံသို့ ပြန်လာလည်တဲ့ အခါများမှာလည်း ပရိသတ်တွေနဲ့ အဆက်သွယ် မပြတ်အောင် အနုပညာလှုပ်ရှားမှုတွေကို လုပ်ဆောင်နေတာ ဖြစ်ပါတယ်။ အနုပညာမောင်နှမအချင်းချင်း ရိုင်းပင်းကူညီလေ့ရှိတာကြောင့်လည်း အားလုံးက ချစ်ခင်နေကြတာ ဖြစ်ပါတယ်။
သူကတော့ အမေရိကန်နိုင်ငံတွင် မကြာခင် ကျင်းပတော့မယ့်Miss Universe ပြိုင်ပွဲအား မြန်မာနိုင်ငံကိုယ်စားပြုအဖြစ် ဝင်ရောက်ယှဉ်ပြိုင်မယ့် အလှမယ် သူဇာဝင့်လွင်ကို ခန်းမထဲထိ သွားရောက် အားပေးဖို့ ပြင်ဆင်နေတာဖြစ်ပါတယ်။ ပြည်ပသို့ တစ်ယောက်တည်း ခက်ခက်ခဲခဲ လာရပြီး ယှဉ်ပြိုင်ရတဲ့ Candy ကိုလည်း ပရိသတ်တွေ ဝန်းရံအားပေးကြဖို့ တောင်းဆိုထားတာ ဖြစ်ပါတယ်။ မနေ့က သူဇာဝင့်လွင်ရဲ့ Evening Gown တွေ ထည့်ထားတဲ့အိတ်ကို LA လေဆိပ်တွင် ပျောက်ဆုံးခဲ့တာကြောင့် ဥက္ကာမင်းမောင်မှ တတ်နိုင်သလောက် ကူညီပေးနေတာ ဖြစ်ပါတယ်။ မကြာသေးခင် နာရီပိုင်းလောက်ကလည်း သူ့ရဲ့ လူမှုကွန်ယက်စာမျက်နှာတွင် သူဇာဝင့်လွင်ရဲ့ အိတ်ပျောက်ဆုံးမှုနဲ့ပတ်သက်ပြီး နောက်ဆုံးသိရှိထားတဲ့ သတင်းအချက်အလက်တွေကို ပြောပြလာတာ ဖြစ်ပါတယ်။
" Miss Myanmar National Costume update:
မနက်က မစိုးယုဝေက ဆက်သွယ်လာတာ.. Candy လေးရဲ့ National Costume က New York က DHL မှာ ရောက်နေလို့တဲ့.. Miami ကို ဘယ်နေ့ရောက်မလဲ မသိလို့ သူရင်တမမနဲ့ စိတ်ပူလို့ ကူညီလို့ရရင် ကူညီပါဆိုလို့ Tracking number ပေးတယ်.. ကျွန်တော်လည်း သွားထုတ်လို့ ရရင် သွားထုတ်ပြီး ကိုယ်တိုင် သယ်သွားပေးလို့ရတယ်လို့.. ဗုဒ္ဓဟူးနေ့ မနက် Miami သွားမှာလို့ ပြောလိုက်တာ..အလုပ်မှာဆိုတော့လည်း ဖုန်းအကြာကြီးပြောဖို့ အဆင်မပြေတော့ Chrissy ကိုပဲ DHL ကိုဖုန်းဆက် စုံစမ်းလိုက်တာ သူ့ရဲ့ National Costume က ဒီနေ့ညပဲ New York ကနေMiami ကို ထွက်သွားမယ်ပြောပါတယ်.. Flight အတိအကျတော့မသိပါတဲ့.. အကျိုးအကြောင်းတွေပြန်ပြောတော့မှအမစိုးယုဝေလည်း စိတ်ပူနေတာအလုံးကြီးတော့ တစ်ဝက်ကျသွားတာပေါ့လေ.. Candy လက်ထဲ ဝတ်စုံ ရောက်မှဘဲ စိတ်အေးရမယ်..Candy နဲ့ စကားပြောဖြစ်တော့လည်း သူက စိတ် အရမ်းဖိစီးနေတာ.. သနားပါတယ်.. ပြိုင်ရတဲ့သူက ပိုဖိစီးတာပေါ့.. အခက်အခဲတွေပေါင်းများစွာထဲက အိတ်ပျောက်တဲ့ ဂယက်တွေက ထပ်ဖြစ်သေးတော့..သူ့ခမျာလည်း မြန်မာနိုင်ငံ ကနေ မရရအောင်ထွက်လာပြီး စွန့်စားပြီးလာပြိုင်ရတာ..အားပေးရတာပေါ့လေ..သူ့ကိုလည်း စိတ်ညစ်ရင် မျက်နှာမှာပေါ်တယ်.. လိုတာရှိပြော.. ပြိုင်ပွဲကာလ အပြုံးဘယ်တော့မှ မပျက်နဲ့.. အားလုံးအဆင်ပြေသွားပါလိမ့်မယ်လို့ အားပေးရတယ်... သူ့ကြိုးစားမှူတွေအရာထင်ကျန်ခဲ့စေချင်လို့.. သူ့ရဲ့ Final မှာ ဝတ်မယ့် evening gown ပါတဲ့ အိတ်ကတော့ သတင်းဘာမှ မရသေးပါဘူး.. ထူးရင် ပြောပါမယ်.. National Costume ကတော့ ဒီအတိုင်းဆို အချိန်မှီလေးရောက်သွားလိမ့်မယ်လို့မျှော်လင့်ပါတယ်" ဆိုပြီး ရေးသားထားတာဖြစ်ပါတယ်။ ဝတ်စုံတွေ အချိန်မှီရောက်မလာလည်း ဗီယက်နမ်အလှမယ်မှ သူမသယ်လာတဲ့ ဝတ်စုံတွေကို ကူညီပေးသွားမှာ ဖြစ်ပါတယ်။ သူဇာဝင့်လွင်တစ်ယောက် အခက်အခဲများစွာ ကျော်ဖြတ်ပြီး ယှဉ်ပြိုင်ရမယ့် Miss Universe ပြိုင်ပွဲကြီးကို အွန်လိုင်းမှ Voting ပေးခြင်းဖြင့် အားပေးကြပါဦးနော်။
Source and Photo Crd-Okkar Min Maung’s and Thuzar Wint Lwin’s Facebook Page