ရင်ခွင်မဲ့နေတဲ့ကလေးပေါင်းများစွာကို မေတ္တာတွေပေးပြီးစောင့်ရှောက်ထားတဲ့ ကလေးတို့ မေမေ ခိုင်နှင်းဝေဟာ ဂေဟာကသားသမီးတွေကို အမြဲတမ်းစိတ်ချမ်းသာအောင်ထားတတ်ပါ တယ်။ အကူအညီလိုနေတဲ့ဘယ်ကလေးမဆို မငြိုငြင်ဘဲခေါ်ယူစောင့်ရှောက်ပေးခဲ့ပြီး ကျန်းမာရေးစောင့်ရှောက်မှုလိုအပ်နေတဲ့ကလေးတွေကိုလည်း သက်သာပျောက်ကင်းတဲ့အထိ တာဝန်ယူပေးတဲ့ စေတနာရှင်တစ်ဦးပါ။ ကလေးတွေအပေါ်မှာစေတနာထားပြီးစောင့်ရှောက်တဲ့ သူမရဲ့မေတ္တာကိုအသိအမှတ်ပြုသူတွေကလည်း သူမဆီအလှူငွေတွေ လာရောက်လှူဒါန်း ကြပြီး ဒီအလှူငွေတွေတွေကိုလည်း အကူအညီလိုအပ်နေသူတွေဆီကို အရောက်ပို့ပေးခဲ့သူ ပရဟိတမင်းသမီးတစ်ဦးဖြစ်ပါတယ်။
ကိုယ်တိုင်သားသမီးမရှိသော်ငြား သူမရဲ့ရုပ်ချင်းဆင်းတဲ့ ရွှန်းရွှန်းလေးကိုမွေးစားပြီးနောက်မှာ မိခင်မေတ္တာကိုအပြည့်အဝနားလည်သွားခဲ့ပြီး နောက်ထပ်ရင်ခွင်မဲ့ကလေးငယ်တွေကို ခေါ်ယူစောင့်ရှောက်ပေးခဲ့ပါတယ်။ လက်ရှိမှာလည်း ကလေးတွေအများကြီးကို ထပ်မခံခေါ်ယူမွေးစားနိုင်အောင် ဂေဟာအကြီးကြီးဆောက်လုပ်လျက်ရှိပါတယ်။ ကလေးတွေကို အမိုးအကာကောင်းကောင်းနဲ့ နေစေချင်တဲ့စိတ်ကြောင့် အခုလိုအပင်ပန်းခံပြီး ကြိုးစားနေတဲ့ မေမေခိုင်နှင်းဝေရဲ့မေတ္တာတွေကတော့ တကယ့်ကိုလေးစားစရာပါ။
ချစ်ရတဲ့သမီးလေးတွေကို ကလေးတွေအတွက်ထုတ်ထားတဲ့နှုတ်ခမ်းနီလေးဆိုးပေးပြီး အတူတူပျော်နေကြတဲ့ ချစ်စဖွယ်ပုံလေးတွေကို " ကျမရဲ့အချစ်တွေ (သမီးတွေဆိုးတဲ့ နှုတ်ခမ်းနီမှာ နှုတ်ခမ်းသားများ မပျက်စီးသည့် ကလေးနှုတ်ခမ်းနီဖြစ်ပါတယ်ရှင်) " ဆိုပြီး သူမရဲ့လူမှုကွန်ယက်မှာ ဝေမျှခဲ့ပါတယ်။ မေတ္တာတွေအများကြီးပေးလို့ တန်ပြန်မေတ္တာတွေ အများကြီးပြန်ရပါစေ ကလေးတို့မေမေရေ။
သတင်း အရင်းအမြစ်៖ Khine Hnin Wai's FB Acc