ခါးကုန်းကုန်းနဲ့ မုန့်ဖက်ထုပ်တောင်းကြီးကိုထမ်းပြီး နေပူပူ၊မိုးရွာရွာ ခြေတိုအောင်လျှောက်ရောင်းနေရတဲ့ အဘိုးတစ်ဦး

အခုချိန်မှာဆိုရင် စီးပွါးရေးတွေပုံမှန်ပြန်မလည်ပတ်ကြသေးပေမယ့် ပြည်သူတွေကတော့ စုဆောင်းထားတာလေးတွေနဲ့သာ စားသောက်နေထိုင်ပြီး အလှူအတန်းတွေလည်းလုပ်ဆောင်နေကြတာဖြစ်ပါတယ်။လက်လုပ်လက်စားပြည်သူတွေကတော့ တစ်နေ့တာစားဝတ်နေရေးအဆင်ပြေဖို့အတွက် အန္တရာယ်တွေကြားထဲကနေ လမ်းပေါ်ထွက်ပြီး စျေးရောင်းနေကြတာဖြစ်ပါတယ်။အခုဆိုရင်လည်း အဘိုးတစ်ဦးက ဟိုးအရင်အချိန်ကတည်းက ရပ်ကွက်တွေထဲပတ်ပြီး မုန့်ဖက်ထုပ်ရောင်းကာ ဝမ်းရေးအတွက်ရှာဖွေနေတာဖြစ်ပါတယ်။

အဲ့ဒီအဘိုးက အန္တရာယ်များနေတဲ့ ဒီကာလမှာတောင် တောင်းကြီးထမ်းပြီး မုန့်ဖက်ထုပ်ရောင်းချနေဆဲဖြစ်ပါတယ်။ပင်ပင်ပန်းပန်းနဲ့ ရုန်းကန်နေရတဲ့ အဘိုးကို ပြည်သူတစ်ဦးကတွေ့မြင်ပြီး အရမ်းကိုယ်ချင်းစာလို့ ကူညီပေးဖို့အတွက် လူမှုကွန်ယက်စာမျက်နှာပေါ်မှာတင်လာတာဖြစ်ပါတယ်။အဘိုးမှာ ဇနီးနဲ့မြေးလေးတွေလည်းရှိပြီး တစ်မိသားစုလုံးက မုန့်ဖက်ထုပ်ရောင်းကြတယ်လို့သိရပါတယ်။အဘိုးတို့တစ်မိသားစုလုံးက အရမ်းခက်ခဲနေပေမယ့်လည်း ဘယ်သူ့ကိုမှ အကူအညီမတောင်းဘဲ ကိုယ့်အားကိုယ်ကိုးနေကြတာဖြစ်ပါတယ်။

စေတနာရှင်ပြည်သူကတော့ အဘိုးကို လစဉ်ထောက်ပံ့ပေးဖို့စီစဉ်ထားပြီး လူနည်းစုနဲ့ဆိုရင် အများကြီးမတတ်နိုင်တာကြောင့်”၂၀၀ လှူနိုင်လည်း ၂၀၀ လှူနိုင်သလို ၁၀၀၀ လှူနိုင်လည်း ၁၀၀၀ လှူလို့ရပါတယ်”ဆိုပြီး တိုက်တွန်းနှိုးဆော်လာတာဖြစ်ပါတယ်။အဘိုးခမျာ ခါးကုန်းကုန်းနဲ့ မုန့်ဖက်ထုပ်တောင်းကြီးထမ်းပြီး နေပူပူ၊မိုးရွာရွာ လျှောက်ရောင်းနေရတာဖြစ်လို့ ပြည်သူတွေလည်း ကူညီချင်တယ်ဆိုရင် (Hands For Hands Page)ကို ဆက်သွယ်လှူဒါန်းနိုင်ကြောင်း ပြန်လည်မျှဝေပေးလိုက်ပါရစေ။

Source&Photo Credit: Original Uploder