လူငယ်လေးတွေက အသက်ငယ်ပေမယ့်လည်း ရဲစွမ်းသတ္တိအပြည့်ရှိကြပြီး ပြည်သူတွေကို ကာကွယ်ဖို့အတွက် ထိပ်ဆုံးကနေ နေရာယူနေကြတာ ဖြစ်ပါတယ် ။ အခုလည်း ကိုယ့်နိုင်ငံအတွက် တာဝန်ကျေပွန်ရင်းနဲ့ပဲ အသက်ပေးသွားခဲ့ရတဲ့ ကိုရဲနေမင်းရဲ့အကြောင်းကတော့ စိတ်ထိခိုက်ဝမ်းနည်းစရာကောင်းနေတာပဲ ဖြစ်ပါတယ် ။ ကိုရဲနေမင်းက အသက် (၁၉) နှစ်အရွယ်လေးနဲ့ ကြွေလွင့်ခဲ့ရတာဖြစ်ပြီး လူထုလှုပ်ရှားမှုမှာ ပါဝင်ချင်တာကြောင့် အိမ်ကိုတောင်မပြန်ဘဲ သူငယ်ချင်းအိမ်မှာနေခဲ့တာ ဖြစ်ပါတယ် ။

Photo Credit-May Thandar's FB Acc
Photo Credit-Original Uploader

ကိုရဲနေမင်းက ဧပြီလ (၁)ရက်နေ့၊ မွန်းလွဲပိုင်းက မန္တလေးမြို့၊ မဟာအောင်မြေမြို့နယ် စိန်ပန်းရပ်ကွက်မှာ ဦးခေါင်းကျည်ထိမှန်ကာ ကျဆုံးခဲ့တာ ဖြစ်ပါတယ် ။ ကိုရဲနေမင်းရဲ့ရုပ်အလောင်းကို ပြန်မရခဲ့တာကြောင့် မိသားစုဝင်တွေခမျာ စျာပနပွဲ မကျင်းပနိုင်အောင်ဖြစ်ခဲ့ရတာ ဖြစ်ပါတယ် ။ ဧပြီလ (၃) ရက်နေ့မှာတော့ လမ်းပေါ်မှာကျန်ခဲ့တဲ့  သူရဲကောင်းကိုရဲနေမင်းရဲ့ဦးနှောက်တွေကိုသာ အိုးထဲထည့်ပြီး မြှုပ်ပေးခဲ့ကြတာ ဖြစ်ပါတယ် ။

Photo Credit-May Thandar's FB Acc
Photo Credit-May Thandar's FB Acc

ရုပ်အလောင်းမပါဘဲ လိုက်ပါပို့ဆောင်ပေးခဲ့ရတဲ့ ကိုရဲနေမင်းရဲ့စျာပနခရီးက ပုံရိပ်တွေကတော့ တကယ့်ကို ကြေကွဲဝမ်းနည်းစရာကောင်းနေတာ အမှန်ပဲဖြစ်ပါတယ် ။ ပြည်သူတွေကလည်း ကိုရဲနေမင်းကျဆုံးခဲ့တဲ့နေရာမှာ ထီးလေးမိုးပေးထားပြီး ပန်းတွေ၊ ရေသန့်ဘူးတွေနဲ့ အစားအသောက်ဘူးတွေ လာချပေးခဲ့တာပဲ ဖြစ်ပါတယ် ။ ငယ်ငယ်ရွယ်ရွယ်လေးနဲ့ အသက်ပေးသွားခဲ့ရတဲ့ သူရဲကောင်းလေး ကိုရဲနေမင်းရဲ့စျာပနပွဲက ပုံရိပ်တွေကို ပြန်လည်ဖော်ပြပေးလိုက်ပါတယ်။ ကောင်းရာသုဂတိလားပါစေလို့ ဆုတောင်းပေးလိုက်ရပါတယ်။

Source & Photo Credit-May Thandar's FB Acc

Photo Credit-May Thandar's FB Acc
Photo Credit-May Thandar's FB Acc
Photo Credit-May Thandar's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။