နှစ်လပြည့်ခဲ့ပြီဖြစ်တဲ့ မြန်မာနိုင်ငံရဲ့ တော်လှန်ရေးတိုက်ပွဲကြီးဟာ ဒီနေ့ဒီချိန်ထိ အသက်ဝင်နေဆဲဖြစ်ကာ ပြည်သူတွေကလည်း လက်မလျော့သွားဘဲ အခက်အခဲတွေကြားကနေ အားတင်းကာရှေ့ဆက်နေကြဆဲဖြစ်ပါတယ်။ လူကြီးလူငယ်မရွေးပြည်သူအားလုံးက ရရာနေရာတွေကနေ ယုံကြည်ချက်တွေအတွက် ရင်ထဲကဆန္ဒတွေကို လှုပ်ရှားမှုမျိုးစုံနဲ့ ညီညီညွတ်ညွတ်ထုတ်ဖော်လျက်ရှိနေဆဲပါ။

Photo Credit : Aye Thaung Facebook Account
Photo Credit : Aye Thaung Facebook Account

​ပြည်သူတွေနဲ့အတူ အနုပညာရှင်တွေကလည်း အင်တိုက်အားတိုက် ပါဝင်ရပ်တည်ခဲ့တာကိုလည်း လေးစားစွာတွေ့မြင်ရပါတယ်။ဒီလိုအနုပညာရှင်တွေထဲမှာဆိုရင် မအေးသောင်းလည်း အပါအဝင်ပါပဲ  ။မအေးသောင်းက ဖေဖော်ဝါရီလအစထဲက ပြည်သူလူထုနဲ့အတူရပ်တည်ကာ ဆန္ဒထုတ်ဖော်မှုတွေကို မမောမပန်းနိုင်အောင်တက်တက်ကြွကြွ စိတ်ရောကိုယ်ပါနှစ်ပြီး လုပ်ဆောင်နေတာဖြစ်ပါတယ်။

Photo Credit : Aye Thaung Facebook Account
Photo Credit : Aye Thaung Facebook Account

ဒါ့အပြင် ဒီလိုကာလမှာ အခက်အခဲဖြစ်နေတဲ့ မိသားစုတွေအပြင် မီးဘေးသင့်အိမ်ထောင်စုတွေကိုလည်း လိုအပ်တဲ့ အိမ်သုံးပစ္စည်းရိက္ခာများနဲ့ အလှူငွေများကိုလည်း မိတ်ဆွေတွေနဲ့စုပေါင်းကာ သွားရောက်လှူဒါန်းခဲ့တာလည်းတွေ့ရပါတယ်။အခုလည်း တံခွန်တိုင်မီးဘေးသင့်အိမ်ထောင်စု (၁၅၁)စုအတွက် အိုး၊ခွက်၊ပန်ကန်နဲ့ အလှူငွေများကို မိတ်ဆွေများနဲ့အတူ စုပေါင်းကာ သွားရောက်လှူဒါန်းခဲ့ကြောင်းဖော်ပြခဲ့ရာ လေးစားမိတာကြောင့် မအေးသောင်းရဲ့ အလှူလေးကို ပရိသတ်ကြီးလည်း သာဓုခေါ်နိုင်စေရန် ပြန်လည်ဝေမျှပေးလိုက်ပါတယ်။

Photo Credit : Aye Thaung Facebook Account
Source & Photo Credit : Aye Thaung Facebook Account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။