ရွှေကစ်လို့ ဆိုလိုက်တာနဲ့ အနုပညာလောကမှာထိပ်တန်းကနေ ဒိတ်ဒိတ်ကြဲအောင်မြင်နေပြီး ပရိသတ်အချစ်တွေအခိုင်အမာရရှိထားတဲ့ ပြည်သူချစ် အနုပညာရှင်အကယ်ဒမီမင်းသမီးချောဝတ်မှုံရွှေရည်ကို အားလုံးပဲ မြင်ယောင်မိကြမှာပါနော်..။

မင်းသမီးဝတ်မှုံရွှေရည်ကတော့ လက်ရှိဖြစ်ပေါ်နေတဲ့အခြေအနေတွေမှာလည်း လုပ်နိုင်သမျှတွေကိုတတ်နိုင်တဲ့ဘက်ကနေ အစွမ်းကုန်လုပ်ဆောင်နေပြီး ပြည်သူ့တာဝန်တွေကို ထမ်းဆောင်ကာ လူထုလှုပ်ရှားမှုတွေပြုလုပ်နေတာလည်း တွေ့ရပါတယ်..။

ရွှေကစ်လေးကတော့ လူထုလှုပ်ရှားမှုတွေမှာကိုယ်တိုင်ပါဝင်နေတဲ့အပြင် လမ်းပေါ်ထွက်သူရဲကောင်းတွေနဲ့ ပြည်သူ့ဝန်ထမ်းတွေအတွက်လည်း အလှူငွေတွေသိန်းချီလှူဒါန်းနေတာကို မကြာခဏဆိုသလို မြင်တွေ့ရပါတယ်..။

ပြီးခဲ့တဲ့ရက်တွေကတည်းက ပြည်သူ့ဝန်ထမ်းတွေအတွက် အလှူငွေတွေသိန်းချီလှူဒါန်းခဲ့တဲ့အပြင် ဒီကနေ့လေးမှာလည်း အလှူငွေ(၁၀)သိန်းကို ထပ်မံလှူဒါန်းခဲ့တဲ့အကြောင်းလေးကို ရွှေကစ်လေးက သူမရဲ့လူမှုကွန်ယက်စာမျက်နှာကနေ အသိပေးဝေမျှထားတာပါ..။

"အခက်အခဲဖြစ်နေသော CDM ဝန်ထမ်းများအတွက်

လိုအပ်သည့်နေရာများတွက် အသုံးပြုနိုင်ရန်

အလှူငွေထပ်မံ လှူဒါန်းထားပါတယ်.." ဆိုပြီး ကစ်က ပရိသတ်တွေကို ဝေမျှပြောပြထားတာပါ..။

လှုပ်ရှားမှုတွေမှာကိုယ်တိုင် ပူးပေါင်းပါဝင်သလို လမ်းထွက်သူရဲကောင်းတွေအတွက် လှူဒါန်းမှုတွေပြုလုပ်ခဲ့တဲ့အပြင် CDM ဝန်ထမ်းတွေအတွက်လည်း အလှူငွေထည့်ဝင်လှူဒါန်းကာ အဖက်ဖက်ကနေ ပြည်သူတွေနဲ့ရပ်တည်နေတာပဲ ဖြစ်ပါတယ်နော်..။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။