ပရိသတ်ကြီးရေ ကျနော်တို့နေထိုင်ရာ ကမ္ဘာမြေကြီးမှာ ထူးဆန်းလှတဲ့ တိရစ္ဆာန်မျိုးစုံ ရှင်သန်ကျက်စားနေကြပြီး တချို့ အကောင်တွေဆို ကိုယ်တိုင် အပြင်မှာ တခါမှတောင် မမြင်ဖူးတဲ့ ထူးထူးဆန်းဆန်း အကောင်လေးတွေ အများကြီး ရှိပါသေးတယ်။ ဒီတစ်ခါ ပရိသတ်ကြီးကို ဖော်ပြပေးချင်တာကတော့ ဆင်ဖျံလို့ ခေါ်တဲ့ အကောင်လေးတွေ အကြောင်းပဲ ဖြစ်ပါတယ်။

ဒီအကောင်လေးတွေဟာ ဆင်နဲ့တူသလို ဖျံနဲ့လည်းတူပြီး ဆင်ဖျံတစ်ကောာင်ရဲ့ ပုံမှန်အရွယ်အစားဟာ ၁၅ပေလောက်ရှိတတ်ကြပါတယ်။ ဆင်ဖျံတွေမှာ မြောက်ပိုင်းဆင်ဖျံ နဲ့ တောင်ပိုင်းဆင်ဖျံ ဆိုပြီးတော့ ဆင်ဖျံမျိုး နှစ်မျိုးရှိပြီး ‌ေြမာက်ပိုင်းဆင်ဖျံတွေက တောင်ပိုင်းဆင်ဖျံတွေထက် အကောင်အနည်းငယ်သေးပါတယ်။ ဆင်ဖျံတွေကို များသောအားဖြင့် ကနေဒါ ၊ မက္ကဆီကို နဲ့ အမေရိကန်က ကျွန်းစုတွေအနီးမှာတွေ့ရလေ့ရှိပြီး တောင်ပိုင်းဆင်ဖျံတွေကတော့ တောင်အာဖရိက ၊ အာဂျင်တီးနား နဲ့ နယူးဇီလန် ကျွန်းစုတွေအနီးမှာ တွေ့ရလေ့ရှိပါတယ်။

မြောက်ပိုင်း ဆင်ဖျံတွေဟာ ဆင်တွေလိုပဲ နှာခေါင်းကြီး တစ်ခုရှိပြီး အာ့ဒီနှာခေါင်းနဲ့ ရန်သူတွေကို ဖိထောင်းကာ တိုက်ခိုက်နိုင်ပြီး အမတွေ လာရောက် ပေါက်ပွားကြမယ့် ကမ်းခြေနယ်မြေအတွက် အဖိုချင်း နယ်မြေလုပွဲတွေ ဆင်နွှဲ တိုက်ခိုက်တတ်ပါတယ်။ ဆင်ဖျံတွေကို အပြည်ပြည်ဆိုင်ရာ ဥပဒေအရ ကာကွယ် တားဆီးပေးထားရပါတယ်။ သူတို့က ပင်လယ်ငှက်တွေ၊ ဖျံငယ်တွေကို စားသုံးကြပြီး အမက ၁၁ လ ကိုယ်ဝန်ဆောင်ပြီး ဆင်ဖျံပေါက် ကလေးတစ်ကောင် ဖွားမြင်ပေးပါတယ်။ သူတို့အရောင်က မီးခိုးရောင်၊ အညိုရောင်ဖြစ်ပြီး တစ်ခါတစ်ရံ အနက်ပြောက်ကလေးတွေ ရှိကြတယ်။

သတင်းအရင်းမြစ်: Cracked

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။