ပြည်သူတွေနဲ့အတူ လူထုလှုပ်ရှားမှုတွေကိုတက်တက်ကြွကြွ လုပ်ဆောင်နေတဲ့ အနုပညာရှင်တွေနဲ့ ဂီတလောကသားတွေထဲမှာ အဆိုတော် G Fatt ကလည်း တစ်ယောက်အပါအဝင်ပဲ ဖြစ်ပါတယ် ။ G Fatt ကတော့ နေ့တိုင်းနီးပါးဆိုသလို လမ်းပေါ်ကိုထွက်ပြီး ပြည်သူတွေရဲ့အရှေ့ကနေ မားမားမတ်မတ် ရပ်တည်ပေးနေတာ ဖြစ်ပါတယ် ။ G Fatt က သံချပ်တွေကို အားအင်အပြည့်နဲ့ ကြွေးကြော်ပြီး ရင်တွင်းဆန္ဒတွေကို အားလုံးနဲ့အတူ အပီအပြင်တောင်းဆိုနေတာပဲ ဖြစ်ပါတယ် ။
G Fatt က လူထုလှုပ်ရှားမှုမှာပါဝင်ရင်းနဲ့ လမ်းပေါ်မှာတွေ့တဲ့ အမှိုက်တွေကို အိတ်နဲ့လိုက်ကောက်ပေးခဲ့သေးတာလည်း ဖြစ်ပါတယ် ။ မကြာခင်ရက်ပိုင်းကတော့ G Fatt က သူနဲ့အတူပါဝင်လှုပ်ရှားနေတဲ့ ပြည်သူတွေကို စိတ်ခွန်အားတက်ကြွစေဖို့ သီချင်းတွေ သီဆိုပြခဲ့တာ ဖြစ်ပါတယ် ။ အခုလည်း G Fatt က "သံပုံးတွေတီးကြပြီ သူရဲကောင်းတို့ရေ အာဇာနည်တွေနေတဲ့တိုင်းပြည်တဲ့ ဖယောင်းတိုင်တွေထွန်းပြီးရင် သူတို့အော်ကြလိမ့်ဦးမယ် တကယ်ကိုအာဇာနည်တွေနေတဲ့တိုင်းပြည်ပါပဲ စစ်သားနဲ့ရဲတွေမလာခင်ကန်ကြောက်ပြီး အကြိုလေ့ကျင့်ကြတော့ ဒိုင်းကိုင်ထားတဲ့ညီလေးတွေက "ကို G Fatt တကယ်ကန်ဗျာတဲ့ ဒါမှဟိုကောင်တွေလာရင် ကျွန်တော်တို့မကြောက်ဘဲကျင့်သားရနေမှာတဲ့" တိုင်းပြည်ရဲ့အနာဂါတ်၂၀ပတ်ချာလည်လေးတွေပေါ့ ပြန်တွေးရင်စိတ်မကောင်းဖြစ်ရပါတယ်"
"ဒီနေ့ ပရိသတ်ညီလေးတစ်ယောက်ရဲ့အမေက ငိုလို့ဖုန်းဆက်လာတယ် သားရယ် မင်းညီလေးကိုတားပါဦး မနက်တည်းက ဝတ်စုံတွေအပြည့်ဝတ်လို့ ထွက်သွားတယ် တားလို့လည်းမရဘူးတဲ့ ကိုယ့်မှာသပိတ်စစ်ကြောင်းဆီအမြန်ပြေးလို့ အဲ့ကလေးကိုလိုက်ရှာရတယ် သူ့အမေကိုလည်းနှစ်သိမ့်ရင်းပေါ့ .. မိဘပဲလေ ဘယ်စိတ်ချမလဲ သပိတ်ကြောင်းဆီ ငိုရင်းလိုက်လာတယ် " သူ့ကိုအဲ့ Defance လိုင်းမှာမနေဖို့ပြောပါသားရယ်တဲ့ ကလေးကပြန်ပြောတယ် "သားလုပ်ချင်လို့ပါတဲ့ အမေငိုမနေနဲ့တဲ့"ကျွန်တော့်မှာ ပြောစရာစကားလုံးမရှိတော့ဘူး လူငယ်တွေရင်ထဲက အမှန်တရားမြတ်နိုးစိတ်တွေလေ လူကြီးတွေရင်ထဲက စိုးရိမ်ပူပန်မှုတွေလေ မိဘလေ ပူပန်ရှာမှာပေါ့ လူငယ်လေ တော်လှန်ချင်မှာပေါ့ ဘယ်သူ့မှ မမှားတဲ့ မေတ္တာတရားတွေရယ်ပါ ။ အရေးတော်ပုံအောင်ပါစေတော့လေ ။" ဆိုပြီး ရေးသားပြောပြထားတာ ဖြစ်ပါတယ် ။ G Fatt က စိုးရိမ်ပူပန်တတ်တဲ့မိဘတွေနဲ့ တော်လှန်ချင်စိတ်ပြင်းပြတဲ့ သားသမီးတွေကြားက အဖြစ်အပျက်လေးကို သူမြင်ခဲ့ရတဲ့အတိုင်း ပြောပြလာခဲ့တာပဲ ဖြစ်ပါတယ် ။
Source & Photo Credit -G Fatt's FB Acc