ပရိသတ်တွေရဲ့ ချစ်ခင်အားပေးမှုကို အခိုင်အမာရယူထားနိုင်ခဲ့ပြီး အကယ်ဒမီဆုတွေကိုလည်း သိမ်းပိုက်ထားနိုင်ခဲ့တဲ့ မင်းသမီးပိုင်ဖြိုးသုကတော့ အေးချမ်းတဲ့ မိသားစုလေးကို ခင်ပွန်းသည်ဏကြီးနဲ့အတူ တည်ဆောက်ထားနိုင်ခဲ့တာပဲဖြစ်ပါတယ်။ စိတ်တူကိုယ်တူရှိကြတဲ့ သူမတို့ဇနီးမောင်နှံကတော့ အမှန်တရားဘက်ကနေ ရပ်တည်ရင်း လူထုလှုပ်ရှားမှုတွေစတင်တဲ့နေ့ကတည်းက တက်တက်ကြွကြွပါဝင်ခဲ့သူတွေပဲဖြစ်ပါတယ်။ 

လူထုလှုပ်ရှားမှုတွေမှာလည်း စိတ်အားထက်သန်မှုအပြည့်နဲ့ပါဝင်လျက်ရှိနေတဲ့ ပိုင်ဖြိုးသုကတော့ နွေဦးတော်လှန်ရေးကာလအတွင်းမှာ မတရားမှုကိုအတူတူတွန်းလှန်နေကြရင်း အဖိုးတန်မိတ်‌ဆွေ‌ကောင်းတွေအများကြီးကို ပိုင်ဆိုင်ခွင့်ရခဲ့ကြောင်းပြောပြလာခဲ့ပါတယ်။ပိုင်ဖြိုးသုကတော့ " တော်လှန်ရေးကာလအတွင်းမှာ.... ကျွန်မတို့ ဘယ်လိုမှမျက်နှာချင်းမဆိုင်ချင်တော့လို့ စွန့်လွှတ်လိုက်ကြရတဲ့ ဟိုးတစ်ချိန်ကမိတ်ဆွေဟောင်း သူငယ်ချင်း‌ဟောင်းတွေရှိတယ် "ဆိုပြီး ရေးသားထားခဲ့ပါတယ်။ 

ပိုင်ဖြိုးသုကတော့ " အရင်တုန်းကမိတ်ဆွေသူငယ်ချင်းဘဝကနေ အခုရဲဘော်ရဲဘက်အဖြစ် ဘေးနားမှာမားမားမတ်မတ်ရပ်တည်ပေးကြတဲ့ မတရားမှုကိုအတူတူတွန်းလှန်နေကြတဲ့ အဖိုးတန်မိတ်‌ဆွေ‌ကောင်းတွေအများကြီးကိုကျွန်မတို့ပိုင်ဆိုင်ခွင့်ရခဲ့ကြပြီ...အရေးတော်ပုံအောင်ရမည် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ မြန်မာပြည်သူပြည်သူတွေအားလုံး စိတ်ချမ်းသာပျော်ရွှင်ပြီး လိုချင်တဲ့ပန်းတိုင်တွေကို ရောက်ရှိကြပါစေကြောင်း ဆုတောင်းပေးလိုက်ရပါတယ်။ 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။