၆နှစ်အကြာမှနားကျပ်ပြန်ကိုင်ရပေမယ့် ဝရမ်းပြေးဖက်ရှင်နဲ့ဖြစ်နေတယ်ဆိုပြီး ဆေးကုသမှုလုပ်အားပေးအမှတ်တရတွေကိုပြောပြလာတဲ့ ပိုင်ဖြိုးသု

ပရိသတ်ကြီးရေ.. အနုပညာလောကမှာ သုသုလို့ အားလုံးကချစ်စနိုးခေါ်ကြပြီး အောင်မြင်စွာလျှောက်လှမ်းရပ်တည်နေတဲ့ သရုပ်ဆောင်အကယ်ဒမီမင်းသမီးချောလေး ပိုင်ဖြိုးသုကိုတော့ အားလုံးက ချစ်ခင်ကြပါတယ်နော်..။

သုသုလေးကတော့ ချစ်စရာကောင်းသလို ခိုင်မာပြတ်သားတဲ့စိတ်သဘောထားလေးကိုလည်း ပိုင်ဆိုင်ထားပြီး ယုံကြည်ချက်တွေနဲ့ ခံယူချက်တွေကြောင့် လက်ရှိအခြေအနေတွေမှာလည်း ပြည်သူတွေနဲ့အတူ ရပ်တည်နေသူပဲ ဖြစ်ပါတယ်နော်..။

ကိုယ်တိုင်ကိုယ်ကျလမ်းပေါ်ထွက်ကာ အပင်ပန်းခံပြီး လူထုလှုပ်ရှားမှုတွေပြုလုပ်နေတဲ့အပြင် လှူဒါန်းမှုတွေကိုလည်း ဆက်တိုက်ဆိုသလို ပြုလုပ်နေတဲ့ သုသုလေးဟာ လက်ရှိမှာလည်း ကျန်းမာရေးဆိုင်ရာ ကုသမှုတွေပြုလုပ်ပြီး လုပ်အားပေးနေတာလည်း ဖြစ်ပါတယ်နော်..။

ကျန်းမာရေးစောင့်ရှောက်မှုတွေပြုလုပ်ကာ ၆နှစ်အကြာမှနားကျပ်ပြန်ကိုင်ရပေမယ့် အရင်လိုဗမာဝတ်စုံလေးတွေနဲ့မဟုတ်ဘဲ ဝရမ်းပြေးဖက်ရှင်နဲ့ဖြစ်နေတယ်ဆိုပြီး ဆေးကုသမှုလုပ်အားပေးအမှတ်တရတွေကိုလည်း သုသုလေးက ပြောပြလာပါတယ်နော်..။

"CDMဝန်ထမ်းတွေကိုကျန်းမာရေးစောင့်ရှောက်မှုသွားပေးကြတဲ့ CDMဆရာဝန်တွေအဖွဲ့နဲ့လိုက်လုပ်အားပေးဖြစ်ပါတယ်...

ဆရာဝန်အဖြစ်ဆေးမကုတာကြာပြီဖြစ်တာကတစ်ကြောင်း(ကျောင်းတုန်းကတည်းကလည်းကိုယ်ကပါချီပါချဲ့ဆရာဝန် စာတော်တာမဟုတ်) ဆမလည်းမရှိတာမို့ ဆေးကုသမှုအပိုင်းကိုတာဝန်မယူပဲ CDMသူနာပြုဆရာမလေးတွေနဲ့အတူ အထူးကုဆရာဝန်တွေမကြည့်ခင်မှာ Vital signsတွေယူပေးရတဲ့တာဝန်ကိုပဲယူခဲ့ပါတယ်...

CDMဝန်ထမ်းတွေအတွက် တစ်ခုခုပြန်လည်လုပ်ပေးခွင့်ရခဲ့လို့ ပေးjoinတဲ့အကိုအမတွေသူငယ်ချင်းတွေကိုအထူးကျေးဇူးပါ...

နားကြပ်မကိုင်တာ(၆)နှစ်အကြာပြန်ကိုင်တော့အရင်လိုဗမာအင်္ကျီဝမ်းဆက်နဲ့မဟုတ် ဝရမ်းပြေးဖက်ရှင်နဲ့ဖြစ်နေရတာတော့အမှတ်တရပါပဲ...

ဦးဏကြီးရောလို့မေးရင်...ဟုတ်ကဲ့ပါပါတယ်ရှင်(သူကCDMဝန်ထမ်းတွေအတွက်အလှူငွေကောက်ခံရရှိထားတာတွေ ဦးဆောင်သူအမတွေလက်ထဲလိုက်လွှဲပေးတာပါ)

ဟိုဘက်ရပ်ကွက်ကဘာစာထုတ်ထားထုတ်ထားကျွန်မတို့ဒီဘက်ရပ်ကွက်ကအဖက်မလုပ်ပါဘူးရှင်...

ကိုယ့်လူတွေအတွက်ကိုယ်လုပ်နိုင်သမျှတော့ရှာကြံလုပ်နေကြမှာပါ...

အရေးတော်ပုံအောင်ရမည်.." ဆိုပြီး သုသုကရေးသားပြောပြထားတာ ဖြစ်ပါတယ်နော်..။

သတင်း အရင်းအမြစ်៖ Paing Phyo Thu's Fb Acc