ပရိသတ်ကြီးရေ မော်ဒယ်လ် မင်းသားချောလေး အလင်းရောင်ကတော့ ပရဟိတစိတ်ဓာတ်ပြင်းထန်သူဖြစ်လို့ မနေ့က (၃.၃.၂၀၂၁) မှာ သေဆုံးသွားခဲ့တဲ့ မြင်းခြံက ၁၄နှစ်အရွယ် ကောင်လေးနဲ့ ပတ်သတ်ပြီး ငွေကြေးလှူဒါန်းဖို့အတွက် ပြင်ဆင်နေခဲ့ပါတယ်။ လက်ရှိဖြစ်ပေါ်နေတဲ့ အခြေအနေတွေမှာ လမ်းပေါ်ထွက်ကာ ပြည်သူတွေနဲ့အတူ ရပ်တည်ဝန်းရံနေတဲ့ အလင်းရောင်ကို ပရိသတ်တွေက အချစ်ပိုမိစေမှာ အသေအချာပဲ ဖြစ်ပါတယ်။
နေ့စဥ်ဆက်တိုက်ဆိုသလို ပြည်သူတွေနဲ့အတူ ပူးပေါင်းကာ တရားမျှတမှုအတွက် လမ်းပေါ်ထွက် တောင်းဆိုနေတဲ့ အလင်းရောင်က သူရဲ့ လူထုလှုပ်ရှားမှုပုံရိပ်တွေကိုလည်း ဖေ့ဘွတ်အကောင့်မှာ တင်ပေးလေ့ရှိတာပါ။ မကြာသေးတဲ့ နာရီပိုင်းအချိန်ကလည်း အလင်းရောင်က သေဆုံးသွားခဲ့တဲ့ မြင်းခြံက အာဇာနည်သူရဲကောင်း ၁၄နှစ်အရွယ် ညီလေးနဲ့ပတ်သတ်ပြီး အလှူငွေထည့်ပေးကြဖို့ တောင်းခံလာခဲ့တာပါပဲ ဖြစ်ပါတယ်။
သေဆုံးသွားတဲ့ ညီလေးရဲ့ ပုံလေးတွေနဲ့အတူ အလင်းရောင်က " မြင်းခြံက ခေါင်းကိုသေနတ်မှန်တဲ့ ညီလေး ဒီကလေးကအသက်၁၄နှစ်ပဲရှိပါသေးတယ်။ ဦးခေါင်းကိုကျည်ထိပီးဆုံးသွားတာပါ။ မိသားစုကလည်းမပြေလည်ကြပါဘူး။ကျွန်တော်တို့သူငယ်ချင်း တွေ ကောက်ခံထားတဲ့အလှူငွေ တွေကို ဒီ ညီလေး အပါအဝင် ကျန် တဲ့ မြို့နယ် မှ လိုအပ်သူများကို ကူညီသွားဖို့ရှိပါတယ်။ ကိုယ်တတ်အားသရွေ့ အလှူငွေ ပါဝင်ကုသိုလ် ယူနိုင်ပါတယ်။ " ဆိုပြီး မွန်မြတ်တဲ့ စိတ်ထားနဲ့ တိုက်တွန်းကာ ပြောလာတာဖြစ်လို့ ပရိသတ်တွေ သိရှိစေဖို့အတွက် ပြန်လည်ဝေမျှပေးလိုက်ပါတယ်နော်။
သတင်း အရင်းအမြစ်៖ Source - ALINGYAUNG 's FB Page