နွေဦးတော်လှန်ရေးမှာ နိုင်ငံအတွက် အုတ်တစ်ချပ် သဲတစ်ပွင့်အနေနဲ့ တက်တက်ကြွကြွ ပါဝင်လှုပ်ရှားခဲ့တဲ့ အဆိုတော် Bobby Soxer

ပရိသတ်ကြီးရေ ဂီတကို ချစ်မြတ်နိုးသူဖြစ်လို့ ဆယ်ကျော်သက်အရွယ်ကတည်းက အနုပညာလမ်းကြောင်းထက်ကို လျှောက်လှမ်းလာခဲ့တဲ့ သူလေးကတော့ အဆိုတော် Bobby Soxer ပဲ ဖြစ်ပါတယ်။ Rapသီချင်းတွေကို ပိုင်ပိုင်နိုင်နိုင် သီဆိုနိုင်သူဖြစ်ပြီး ထွက်ရှိထားတဲ့ သီချင်းတွေကလည်း လူငယ်တွေအကြိုက်နဲ့ ထပ်တူကျတာဖြစ်လို့ အောင်မြင်မှုတွေများစွာရရှိထားတာကို တွေ့ရပါတယ်။ ဒါ့အပြင် ဂီတနဲ့ ပတ်သတ်တဲ့ ဆုတံဆိပ်ပေါင်းများစွာကိုလည်း ရရှိထားပါသေးတယ်နော်။

အနုပညာလမ်းကြောင်းထက်မှာ အောင်မြင်မှုတွေများစွာရရှိထားတဲ့ သူမက အချစ်ရေးနဲ့ပတ်သတ်ရင်လည်း အများက အားကျစရာ Relationship တစ်ခုကို တည်ဆောက်ထားတာပါ။ သူမရဲ့ လှုပ်ရှားမှုလေးတွေနဲ့ အချစ်ရေးကို စိတ်ဝင်စားအားပေးကြတဲ့ ပရိသတ်တွေအတွက်လည်း Bobby Soxer က လူမှုကွန်ယက် ဖေ့ဘွတ်စာမျက်နှာထက်မှာ ဝေမျှလေ့ရှိတာလည်းဖြစ်ပါတယ်။ လက်ရှိမှာတော့ Bobby Soxerက အနုပညာလှုပ်ရှားမှုတွေကို ခေတ္တရပ်နားထားပြီး ပြည်သူတွေနဲ့အတူ ပူးပေါင်းလုပ်ဆောင်နေတာဖြစ်ပါတယ်။

လမ်းပေါ်ထွက်ပြီး ပြည်သူတွေနဲ့အတူ တစ်သားတည်း ရပ်တည်ဝန်းရံနေတဲ့ Bobby Soxer က မကြာသေးတဲ့ အချိန်ကလည်း ပိုစ့်တစ်ခုတင်ပေးလာခဲ့ပါတယ်။ ဒါကတော့ " အုတ်၁ချပ် သဲ၁ပွင့် နွေဦးရောက်တော့မှာပါ " ဆိုတဲ့ စာသားလေးနဲ့အတူ လူထုလှုပ်ရှားမှုမှာ ပါဝင်နေတဲ့ ပုံလေးတွေကို တင်ပေးလာတာပါ။ အခုလို နွေဦးတော်လှန်ရေးမှာ နိုင်ငံအတွက် တစ်ထောင့်တစ်နေရာကနေ ပါဝင်ခဲ့တဲ့ Bobby Soxer ရဲ့ ပုံလေးတွေကို ပရိသတ်တွေထံ ပြန်လည်ဝေမျှပေးလိုက်ပါတယ်နော်။ 

သတင်း အရင်းအမြစ်៖ Source - Bobby Soxer 's FB page