ရှည်လျှားတဲ့ ဆံနွယ်တွေနဲ့ မြန်မာဆန်တဲ့ အလှတရားကို ပိုင်ဆိုင်ထားတဲ့ သရုပ်ဆောင် မင်းသမီးကြီး ခိုင်နှင်းဝေကတော့ ဗီဒီယိုခေတ်မှာ နာမည်ကျော်ကြားလူကြိုက်များခဲ့တဲ့ သူတစ်ယောက်ပါတယ်။ ကောင်းမွန်ပီပြင်တဲ့ သရုပ်ဆောင်မှုတွေကြောင့် ယနေ့တိုင် အနုပညာလောကမှာ နေရာတစ်ခုကို အခိုင်အမာရရှိထားရုံသာမကပဲ အများက လေးစားအချစ်ပိုရတဲ့ သူတစ်ယောက်လည်း ဖြစ်ပါတယ်။ သူမက လက်ရှိမှာတော့ အနုပညာလှုပ်ရှားမှုတွေကို ရပ်နားထားပြီး ပရဟိတလုပ်ငန်းတွေကိုသာ ဦးစီးလုပ်ကိုင်နေတာဖြစ်ပါတယ်။
ခိုင်နှင်းဝေက " ခိုင် " ပရဟိတ မိဘမဲ့ဂေဟာကို ဖွင့်လှစ်ထားတာဖြစ်ပြီး ကူကယ်ရာမဲ့ဖြစ်နေတဲ့ ကလေးတွေကို ခေါ်ယူ မွေးစားထားတာပဲ ဖြစ်ပါတယ် ။ ဒါ့အပြင် လိုအပ်တဲ့ နေရာတွေမှာလည်း ငွေကြေးအင်အားနဲ့ အလှူပြုလေ့ရှိတာဖြစ်ပြီး ယခုလို အခြေအနေမျိုးမှာ ပြည်သူတွေအတွက် တစ်ထောင့်တစ်နေရာကနေ ပါဝင်အားဖြည့်ပေးနေတာကို တွေ့ရပါတယ်။ မကြာသေးတဲ့ နာရီပိုင်း အချိန်ပိုင်းကလည်း ခိုင်နှင်းဝေက သူမရဲ့ လူမှုကွန်ယက် စာမျက်နှာကတဆင့် အလှူပြုနေတဲ့ ပိုစ့်တစ်ခု တင်ပေးလာခဲ့ပါတယ်။
ဒါကတော့ " ကောင်းရာ သုဂတိ လားပါစေ ရှင် ကျိုက်ထိုမှ မောင်ဇင်လင်းထက် မိသားစု အတွက် အလှူငွေ (၁၀) သိန်းကျပ် အား ဝမ်းနည်းစွာဖြင့် တတ်နိုင်သလောက် လှုဒါန်းခဲ့ပါတယ်....မိသားစု အားလုံးနဲ့ ထပ်တူ ပူဆွေးရပါတယ်...မိဘချင်း သားသမီးချင်း ကိုယ်ချင်းစာနာနိုင်ကြပြီး အခုလို အဖြစ်ဆိုးမျိုးတွေ ထပ် မကြုံရပါစေနဲ့တော့ ရှင် " ဆိုတဲ့ စာသားလေးနဲ့အတူ သွားရောက်အလှူပြုခဲ့တဲ့ ပုံရိပ်လေးတွေကို ဝေမျှလာခဲ့တာဖြစ်လို့ ပရိသတ်တွေထံ ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - KHINE HNIN WAI's FB page