ထွန်းကိုကိုကတော့ ရုပ်ရှင်သရုပ်ဆောင် မင်းသားချောတစ်လက်ဖြစ်သလို ပရဟိတအလုပ်တွေကိုလည်း စိတ်ရောကိုယ်ပါနှစ်ပြီး လုပ်ကိုင်နေသူတစ်ဦး ဖြစ်ပါတယ် ။ ဦးကျော်သူရဲ့ နာရေးကူညီမှုအသင်း(ရန်ကုန်)မှာ တာဝန်ထမ်းဆောင်နေတဲ့ ထွန်းကိုကိုက လက်ရှိမှာတော့ ပြည်သူတွေကို ကူညီပေးနေတာ ဖြစ်ပါတယ် ။ ထွန်းကိုကိုက အလုပ်တွေမအားလပ်တဲ့ကြားကနေ ပြည်သူတွေနဲ့အတူ လူထုလှုပ်ရှားမှုပြုလုပ်သလို စားစရာနဲ့အချိုရည်တွေကိုလည်း လှူဒါန်းနေတာ ဖြစ်ပါတယ် ။
လတ်တလောမှာတော့ ထွန်းကိုကိုက ကျဆုံးသွားတဲ့ အာဇာနည်သူရဲကောင်းလေးတွေရဲ့ နာရေးကိစ္စတွေကို စီစဥ်ဆောင်ရွက်ပေးနေရတာ ဖြစ်ပါတယ် ။ ဒီနေ့မှာလည်း ထွန်းကိုကိုက ပဲခူးမြို့မှာအသက်ပေးလိုက်ရတဲ့ အသက် (၁၇)နှစ်အရွယ်ညီလေး စည်သူစိုး (ခ) ကိုစိုးရဲ့နောက်ဆုံးခရီးကို ပို့ဆောင်ပေးခဲ့ရတာ ဖြစ်ပါတယ် ။ ပဲခူးသားစစ်စစ်တစ်ယောက်ဖြစ်တဲ့ ထွန်းကိုကိုက နိဗ္ဗာန်ယာဥ်ကားကို သူကိုယ်တိုင်မောင်းပြီး ပြည်သူလူထုနဲ့အတူ လိုက်ပါဆောင်ရွက်ခဲ့တာ ဖြစ်ပါတယ် ။
ညီလေးစည်သူစိုး (ခ) ကိုစိုးအပြင် ကြည်လှိုင်မင်း(ခ)ခေါင်းကြီး အသက်(၁၈)နှစ်ကလည်း ဖေဖော်ဝါရီလ (၂၈)ရက်နေ့ လူထုလှုပ်ရှားမှုမှာ ကျဆုံးသွားတဲ့ လူငယ်လေးတစ်ဦးပဲ ဖြစ်ပါတယ် ။ ဒါကြောင့် ဒီနေ့မှာ သူရဲကောင်း လူငယ်လေးနှစ်ဦးရဲ့စျာပနခရီးကို ပဲခူးမြို့နေ ပြည်သူလူထုက အတူတကွ လိုက်ပါပို့ဆောင်ပေးခဲ့ကြတာ ဖြစ်ပါတယ် ။ ကဲ ထွန်းကိုကိုကိုယ်တိုင် စီစဥ်ဆောင်ရွက်ပေးခဲ့တဲ့ ပဲခူးမြို့က သူရဲကောင်းလူငယ်လေးရဲ့စျာပနခရီးမြင်ကွင်းဗီဒီယိုလေးတွေကို ပြန်လည်မျှဝေပေးလိုက်ပါတယ်နော်။
Source & Video Credit -YanPaing TunKo's FB Acc