ပရိသတ်ကြီးရေ.....ရုပ်ရှင် သရုပ်ဆောင် မင်းသမီးချောလေး ခိုင်နှင်းဝေကတော့ အနု ပညာလောကမှာ တစ်ချိန်က အောင်မြင်ကျော်ကြားမှုတွေကို ရရှိပိုင်ဆိုင်ထားကာ ဗီဒီယို ဇာတ်ကားတွေများစွာမှာ ပါဝင်သရုပ်ဆောင်ခဲ့တဲ့ သူပဲဖြစ်ပါတယ်။ခိုင်နှင်းဝေဟာ အခုနောက် ပိုင်းတွင် အနုပညာအလုပ်တွေကို နားထားတာ ဖြစ်ပြီး ပရဟိတ အလုပ်တွေကို လုပ်ရင်းနဲ့ "ခိုင်နှင်းဝေရင်သွေးလေးများဂေဟာ"ကို ဖွင့်လှစ်ထားကာ စေတနာ အပြည့်နဲ့ ပြုစုစောင့်ရှောက်နေတာ ဖြစ်ပါတယ်။
လက်ရှိမြန်မာနိုင်ငံတွင်းမှာ ဖြစ်ပွားနေတာနဲ့ ပက်သက်ပြီးတော့လည်း ခိုင်နှင်းဝေဟာ ပြည်သူပရိသတ်တွေနဲ့အတူ ပါဝင်လှုပ်ရှားကာ ကြိုးစားနေတာ ပဲဖြစ်ပါတယ်။မေတ္တာရှင်မလေးလို့ ပရိ သတ်တွေက ချစ်စနိုးခေါ်နေကြတဲ့ သူမကတော့ လူထုလှုပ်ရှားမှုတွေမှာ နေ့တိုင်းမပါဝင်နိုင်ပေမယ့်လည်း သူမတတ်နိုင်တဲ့ဘက်ကနေ ကျဆုံးသွားတဲ့ ပြည်သူတွေနဲ့ အခက်အခဲဖြစ်နေတဲ့ကလေးတွေကို သွားရောက် လှူဒါန်းတာတွေကို ဆောင်ရွက်နေတာ ဖြစ်ပါတယ်။
မနေ့ကဆိုရင်ဖြင့် အခက်အခဲဖြစ်နေတဲ့ သမီးလေးအတွက် သွားရောက် လှူဒါန်းတာကို သူမရဲ့ Facebook စာမျက်နှာထက်တွင် "ဒီနေ့တော့ ဒဂုံ ဆိပ်ကမ်း ဘက်မှ နှို့မှုန့် အခက်အခဲ ဖြစ်နေတဲ့ သမီးလေး အတွက် နှို့မှုန့် (၆)လစာ နှင့် ဖြည့်စွက်စာများလှူဒါန်းပေးခဲ့ပါတယ်ရှင်....သမီးလေးမှာ အူပုပ်သွား၍ အူဖြတ်ထားရပြီး Covid -19 ရောဂါလဲ ကူးစက်ခံထားရပါတယ်..မိသားစု အားလုံးလည်း Covid-19 ရောဂါကြောင့် ဆေးရုံတက်ရ ၍ အခက်အခဲများ ဖြစ်နေသောကြောင့် ကျမ တတ်နိုင်တဲ့ဘက်က လှူဒါန်း ကုသိုလ် ယူခဲ့ပါတယ်ရှင်..???"ဆိုတဲ့ စာသားနဲ့ အတူ သမီးလေးရဲ့ ပုံရိပ်လေးတွေကို ဖော်ပြပေးလာတာ ဖြစ်ပါတယ်။ကဲ....လိုအပ်တဲ့နေရာလေးတွေကို အမှန်တကယ် စေတနာ အပြည့်နဲ့ မွန်မြတ်တဲ့ ကုသိုလ်လေးကို ပရိသတ်တွေ သာဓုခေါ်နိုင်ဖို့ အတွက် ပြန်လည် မျှဝေပေးလိုက်ပါတယ်။
သတင်း အရင်းအမြစ်៖ Khine Hnin Wai FB Account