ခုမြန်မာနိုင်ငံအတွင်းမှာ ဖြစ်ပေါ်နေတဲ့ အခြေအနေအရပ်ရပ်ကြောင့် ပြည်သူလူထုအနေနဲ့ တတ်နိုင်တဲ့ဘက်ကနေအစွမ်းကုန်ပါ၀င်ကာ ငြိမ်းချမ်းစွာ လှုပ်ရှားမှုတွေလုပ်ဆောင်နေကြတာကို အားလုံးလည်းသိမြင်ကြမယ်ထင်ပါတယ်နော်။ နိုင်ငံတကာရဲ့စိတ်၀င်စားမှုခံနေရတဲ့ ဒီလူထုလှုပ်ရှားမှုကြီးဟာဆိုရင် ပြည်သူတွေအပြင် နယ်ပယ်အသီးသီးမှ လူကြီးလူငယ်မရွေးတဲ့ အနုပညာရှင်များစွာပါ၀င်နေတာလည်းဖြစ်ပါတယ်။
ထိုထဲမှာမှ မော်ဒယ် သရုပ်ဆောင် ပိုင်အုပ်စိုးအောင်ကလည်း စွမ်းစွမ်းတမံပါ၀င်အားဖြည့်နေတာကိုလေးစားစွာတွေ့မြင်ရပါတယ်နော်။လူငယ်တစ်ယောက်ပီပီ ယုံကြည်ချက်တွေအတွက် ကောင်းမွန်တဲ့အနာဂါတ်ကိုရရှိစေရန် နေ့စဉ်နေ့တိုင်း ရရာနေရာကနေ အင်တိုက်အားတိုက် ပါဝင်ရပ်တည်ကာ လမ်းမပေါ်ထွက်ပြီး ပြည်သူတစ်ယောက်အနေနဲ့ တာဝန်ကြေပွန်စွာ လှုပ်ရှားမှုတွေပြုလုပ်နေတာလည်းဖြစ်ပါတယ်။
တစ်နေ့ထက်တစ်နေ့ အားကောင်းလာတဲ့ လှုပ်ရှားမှုကြီးဟာ ခုဆိုအန္တရာယ်အခက်အခဲတွေကြားထဲကနေ ပြည်သူတွေကနောက်မဆုတ်ပဲ ရဲရဲဝင့်ဝင့်ရင်ဆိုင်နေကြတာကိုလည်း ကြက်သီးထဖွယ်တွေ့မြင်ရပါတယ်။ခုလည်း ပိုင်အုပ်စိုးအောင်တစ်ယောက် အတိုက်အခိုက်တွေကြားကနေ ပြည်သူကိုရှေ့ကဦးဆောင်ကာ သီချင်းတွေသံပြိုင်ဟစ်ကြွေးရင်း လှုပ်ရှားမှုပြုလုပ်ခဲ့ပြန်ပါတယ်။ဗီဒီယိုလေးထဲမှာ အင်တိုက်အားတိုက် ပါဝင်နေတဲ့ ပိုင်အုပ်စိုးအောင်ကိုကြည့်ပြီးလေးစားမိတာအမှန်ပါပဲနော်။ပိုင်အုပ်စိုးအောင်ရဲ့ ဗီဒီယိုလေးကို မျှဝေပေးရင်း အားလုံး အန္တရာယ်ကင်းစွာ အိမ်ပြန်ရောက်ကြပါစေနော်။
Bong I.T