သူနေထိုင်ရာ စမ်းချောင်းမြို့က ပြည်သူတွေနဲ့အတူ ဒီကနေ့ နံနက်မှာ စည်းစည်းလုံးလုံးနဲ့ လူထုလှုပ်ရှားမှုပြုလုပ်နေတဲ့ အလင်းရောင်

မော်ဒယ်လ် သရုပ်ဆောင် အလင်းရောင်ကတော့ အနုပညာနယ်ပယ်မှာ နေရာတစ်ခုကို အခိုင်အမာစိုက်ထူထားနိုင်ပြီဖြစ်တဲ့ သူတစ်ယောက်ပါ။ Music Video တွေမှာ စတင်သရုပ်ဆောင်ရင်း အနုပညာလောကထဲကို စတင်ဝင်ရောက်လာခဲ့တဲ့ သူက အခုလက်ရှိမှာတော့ ရုပ်ရှင်ဇာတ်ကားကြီးတွေကိုလည်း လက်ခံရိုက်ကူးနေရတာ ဖြစ်ပါတယ် ။ ဒါ့အပြင် photo shooting တွေကိုလည်း ရိုက်ကူးနေရတဲ့ သူ့ကို မိန်းကလေး ပရိသတ်တွေက တစ်ခဲနက်အားပေးကြတာဖြစ်ပါတယ်။

လက်ရှိဖြစ်ပေါ်နေတဲ့ အခြေအနေမှာတော့ အလင်းရောင်က အနုပညာလှုပ်ရှားမှုတွေကို ခေတ္တရပ်နားထားပြီး ပြည်သူတွေနဲ့အတူ ပူးပေါင်းရပ်တည်နေခဲ့တာဖြစ်ပါတယ်။ သူရဲ့ လူမှုကွန်ယက် ဖေ့ဘွတ်စာမျက်နှာထက်မှာလည်း ပြည်သူတွေနဲ့အတူ တစ်သားတည်းရပ်တည်နေတဲ့ ပုံလေးတွေကို တင်ပေးလေ့ရှိတာဖြစ်ပြီး မကြာသေးတဲ့ နာရီပိုင်းအချိန်ကလည်း ပိုစ့်တစ်ခုတင်ပေးလာခဲ့ပါတယ်နော်။

ဒါကတော့ သူနေထိုင်ရာ စမ်းချောင်းမြို့က ပြည်သူတွေနဲ့အတူ ယနေ့မနက်ပိုင်းမှာ လူထုလှုပ်ရှားမှုပြုလုပ်နေတဲ့ ပုံတွေကို တင်ပေးလာတာပဲ ဖြစ်ပါတယ်။ အဆိုပါ ပုံလေးတွေအပြင် အလင်းရောင်က " ဒီနေ့ စမ်းချောင်းရဲ့ အခြေအနေကတော့ အားရစရာပါပဲ တစ်ယောက်နဲ့ တစ်ယောက် မသိကြပေမယ့် အားလုံး တစ်လှေတည်းစီး ၊ တစ်ခရီးတည်းသွား တညီတညွတ်တည်း ကြွေးကြော်သံတွေ အားမာန်တွေ အပြည့်ပဲ အထွေထွေ သပိတ် ( ၂၈.၂.၂၀၂၁ ) "မြန်မာ့နွေဦး" မှသည် "အာရှနွေဦး" ဆီသို့ " ဆိုတဲ့ စာသားလေးကိုလည်း ရေးသားထားပါသေးတယ်။ ချစ်ရတဲ့ ပရိသတ်တွေ သိရှိစေဖို့အတွက် အလင်းရောင်ရဲ့ ပုံလေးတွေနဲ့ စာသားတွေကို ပြန်လည်ဖော်ပြပေးလိုက်ပါတယ်နော်။ 

သတင်း အရင်းအမြစ်៖ Source - ALINGYAUNG's FB PAGE