ပရိသတ်ကြီးရေ အဆိုတော်မလေး ပိုပို ကတော့ ဂီတနယ်ပယ်မှာ အောင်မြင်မှုတွေရရှိနေတဲ့ အဆိုရှင်တွေထဲမှာ တစ်ယောက်အပါအဝင်ပဲဖြစ်ပါတယ်။ ယုံကြည်ရာလမ်းကို အခက်အခဲတွေကြားကနေ အကောင်းဆုံးကြိုးစားခဲ့ပြီး ပရိသတ်တွေရဲ့ အချစ်တွေကို အပြည့်အဝရရှိထားတာ ဖြစ်ပါတယ်။ ဒါ့အပြင် ပိုပိုကတော့ ဂီတနယ်ပယ်အပြင် သရုပ်ဆောင်တစ်ယောက်အနေနဲ့ ဗီဒီယိုဇာတ်ကားတွေထဲမှာ ပါဝင်ရိုက်ကူးနေတာလည်း တွေ့ရပါတယ်။
ပိုပိုကတော့ လတ်တလောမှာဆိုရင် တိုင်းပြည်ရဲ့အနာဂတ်လှပအောင် အမှန်တရားကိုလိုလားတဲ့ ပြည်သူပြည်သားတွေနဲ့အတူ အပြည့်အဝရပ်တည်ခဲ့ပါတယ်။ ဒါ့အပြင် နေ့စဥ်အမျှဆိုသလို လမ်းမပေါ်ထွက်ပြီး တစ်ထောင့်တစ်နေရာကနေ အုပ်တစ်ချပ်သဲတစ်ပွင့်အနေနဲ့ လူထုလှုပ်ရှားမှုမှာ ပါဝင်ခဲ့တဲ့ အမှတ်တရပုံလေးတွေကိုလည်း ချစ်တဲ့ပရိသတ်တွေကို ပြန်လည်ဖော်ပြပေးတာ တွေ့ရပါတယ်။ ယနေ့မှာလည်း ပိုပိုက လူထုလှုပ်ရှားမှုမှာ ပါဝင်ခဲ့တဲ့ ပုံရိပ်လေးတွေကို ထပ်မံတင်ပေးလာခဲ့ပါတယ်။
ဒီပုံလေးတွေကတော့ ပိုပိုက ဂီတအနုပညာမောင်နှမတွေနဲ့အတူ လမ်းမပေါ်ထွက်ပြီး အားကြိုးမာန်တက်ဖြင့် သနပ်ခါး Campaignမှာ ပါဝင်ခဲ့ကြတာဖြစ်ပါတယ်။ ဒါ့အပြင် ပိုပိုက "အမေ့ ပြန်အလာကို သနပ်ခါး လိမ်းပြီး စောင့်နေကြတယ် အမေစု သမ္မတကြီးနဲ့ အနုပညာရှင်များကို လွှတ်ပေးဖို့ တောင်းဆိုပါတယ် " ဆိုပြီး စိတ်မကောင်းစွာ ရေးသားဖော်ပြထားပါတယ်။ ကဲ..ပရိသတ်ကြီးရေ သနပ်ခါးCampaign မှာ ပါဝင်ခဲ့တဲ့ ပိုပိုရဲ့ အမှတ်တရ ပုံရိပ်လေးတွေကို ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - PoPo fb account
Bong I.T