ပရိသတ်တွေရဲ့ အချစ်တွေကို အချိန်အကြာကြီး အခိုင်အမာ သိမ်းပိုက် ရရှိထားသူကတော့ သရုပ်ဆောင် မင်းသား မြင့်မြတ်ပဲ ဖြစ်ပါတယ်။ အနုပညာလောကတွင်သာမကဘဲ ပျော်ရွှင်ကြည်နူးစရာကောင်းတဲ့ မိသားစုဘဝလေးကိုပါ ဖန်တီးတည်ဆောက်ထားနိုင်တာလည်း ဖြစ်ပါတယ်။ ပါဝင်သရုပ်ဆောင်ရတဲ့ ဇာတ်ကားတိုင်းကိုလည်း အကောင်းဆုံးသရုပ်ဆောင်နိုင်ခဲ့တာကြောင့် ပရိသတ်တွေလက်ခံအားပေးတဲ့ မင်းသားတစ်လက် ဖြစ်လာတာပါ။ 

Photo Credit : Myint Myat Facebook Page 
Photo Credit : Myint Myat Facebook Page 

လတ်တလောမှာဆိုရင် မြင့်မြတ်က တိုင်းပြည်အတွက် တတ်နိုင်တဲ့နေရာကနေ အုပ်တစ်ချပ်သဲတစ်ပွင့် အနေနဲ့ လူထုလှုပ်ရှားမှုမှာ ပြည်သူ့ပရိသတ်တွေနဲ့အတူ စိတ်ရောကိုယ်ပါ ပါဝင်ခဲ့တာကို မြင်တွေ့ရပါတယ်။ ပြည်သူတွေနဲ့အတူ ဘက်ပေါင်းစုံက နိုင်ငံ့ဝန်ထမ်းများ၊ အနုပညာရှင်များစွာက အနာဂါတ်အိမ်မက်တွေ မပျောက်ဆုံးအောင် အားမာန်တက်ကြွစွာ ပါဝင်လာခဲ့ကြတာ ခုဆိုရင် တစ်ရက်ထက်တစ်ရက် အရှိန်အဟုန်ကောင်းလာတာလည်းတွေ့မြင်ရပါတယ်။

Photo Credit : Myint Myat Facebook Page 
Photo Credit : Myint Myat Facebook Page 

ခုလည်း မြင့်မြတ်က မန္တလေးရဲ့ ၂၂၂၂၂ လူထုလှုပ်ရှားမှုကြီးမှာ အနုပညာမောင်နှမတွေနဲ့အတူတူ ရှေ့ကနေအားကြိုးမာန်တက် သံပြိုင်ဟစ်ကြွေးရင်း ပါဝင်ခဲ့ပြန်ပါတယ်။ တက်တက်ကြွကြွပါဝင်နေတဲ့ မြင့်မြတ်ရဲ့ ပုံတွေကြည့်ပြီးလေးစားမိတာအမှန်ပါပဲနော်။ ပရိသတ်ကြီးလည်း တိုင်းပြည်အတွက် တက်နိုင်တဲ့ဘက်ကနေ ပါဝင်ခဲ့တဲ့ မြင့်မြတ်ကို ဂုဏ်ပြုပေးလိုက်ပါဦးနော်။ ပြည်သူအားလုံးလည်း ဘေးအန္တရာယ်ကင်းရှင်းကြပါစေ ဆုတောင်းပေးလိုက်ပါတယ်။

Photo Credit : Myint Myat Facebook Page 
Photo Credit : Myint Myat Facebook Page 

Source & Photo Credit : Myint Myat Facebook Page 

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။