ကလေးတွေနဲ့ မျိုးဆက်သစ်တွေရဲ့အနာဂတ်အတွက်လမ်းပေါ်ထွက်ကာပြည်သူတွေနဲ့အတူရင်ထဲကဆန္ဒအမှန်တွေကိုထုတ်ဖော်နေတဲ့ စန္ဒီမြင့်လွင်

အဆိုတော်  စန္ဒီမြင့်လွင်ကတော့  လတ်တလောဖြစ်ပေါ်နေတဲ့  လူထုလှုပ်ရှားမှုတွေမှာ  ပြည်သူတွေနဲ့အတူ  တစ်သားတည်းရပ်တည်ကာ  ပါဝင်နေသူတစ်ယောက်လည်း  ဖြစ်ပါတယ်။  သမီးလေးကိုအိမ်မှာထားခဲ့ပြီး  မြန်မာပြည်ကြီး  အမြန်ဆုံးငြိမ်းချမ်းအောင်  အနုပညာအသိုင်းအဝိုင်းက သူငယ်ချင်းများနဲ့အတူ  တစ်ရက်မှမပျက်ကွက်ဘဲ တက်ကြွစွာ  ပါဝင်လှုပ်ရှားနေတာလည်း  ဖြစ်ပါတယ်။  သူမရဲ့ လူမှုကွန်ယက်စာမျက်နှာတွင်လည်း  ကလေးတွေနဲ့ မျိုးဆက်သစ်တွေရဲ့အနာဂတ်အတွက်  လမ်းပေါ်ထွက်ကာ ပြည်သူတွေနဲ့အတူ  ရင်ထဲကဆန္ဒအမှန်တွေကိုထုတ်ဖော်နေရကြောင်းကိုလည်း  အခုလိုပဲ ရေးသားထားတာပဲ ဖြစ်ပါတယ်။

" ကျွန်မတို့မှာလည်း မိသားစုတွေရှိပါတယ်။ 

ကလေးလေးအနာဂတ်အတွက်လည်း ကျွန်မတို့တွေးရတယ်။ မျိုးဆက်သစ်တွေရဲ့ အနာဂတ်အတွက် ကျွန်မတို့ရဲရင့်ကြရမယ်။ 

မကြောက်ဘူးလားမေးရင် ကြောက်တာပေါ့ရှင် မကြောက်ဘူးရှိပါ့မလား။ 

ဒါပေမယ့် ကျွန်မတို့ မတတ်သာလို့ နေ့တိုင်း လမ်းပေါ်ထွက်ရတယ်။ 

ပြည်သူထဲကပြည်သူမို့လို့ ပြည်သူနဲ့တူတူ တိုက်ပွဲဝင်မယ်။ ဒါကျွန်မ ခံယူချက်ပဲ။ 

အချိန်တန်ရင် ဓမ္မက အနိုင်ရဖို့ ကျွန်မတို့လုပ်နိုင်တာအကုန်လုပ်မယ်။ ပြည်သူတွေလည်း အားတင်းထားကြပါ။ 

ကံဆိုတာ အမြဲတမ်းဆိုးတယ်မရှိပါဘူး။ 

ကျွန်မတို့ နိုင်မှာပါ။ 

ဒီတစ်ပွဲ နိုင်ကိုနိုင်အောင်တိုက်ကြရမှာ။ 

နိုင်ကိုနိုင်မှဖြစ်မှာ။ 

အားလုံး ညီကြမယ်နော် 

အရေးတော်ပုံ အောင်ရမည်။  ?

ကျွန်မတို့ပြည်သူတွေဘေးကင်းပါစေ။ " ဆိုပြီး ရေးသားထားတာပဲ  ဖြစ်ပါတယ်။  ပရိသတ်တွေ လိုချင်တဲ့ပန်းတိုင်ကို  အမြန်ဆုံးရောက်ရှိပါစေလို့လည်း ဆုတောင်းပေးလိုက်ရပါတယ်နော်။

Source and Photo Crd-Sandi Myint Lwin’s Facebook Page and Ye Kyaw Phyo’s Photography