အဆိုတော် ဖြိုးလေးနဲ့ ဝါဆိုမိုးဦးတို့အတွဲလေးကတော့ လတ်တလော မြန်မာနိုင်ငံတွင် ဖြစ်ပေါ်နေတဲ့ လူထုလှုပ်ရှားမှုတွင် တတ်နိုင်တဲ့ဘက်ကနေ ပါဝင်လှုပ်ရှားနေကြသူတွေလည်း ဖြစ်ပါတယ်။ လမ်းပေါ်ထွက်ကာ ရင်ထဲကဆန္ဒအမှန်ကို ထုတ်ဖော်နေကြတဲ့ ပြည်သူတွေအတွက်လည်း လိုအပ်တဲ့ ပစ္စည်းများကို သူငယ်ချင်းများနဲ့အတူ ပါဝင်လှူဒါန်းနေတာကိုလည်း မြင်တွေ့ရမှာပဲ ဖြစ်ပါတယ်။ ဖြိုးလေးနဲ့ဝါဆိုမိုးဦးဟာ တစ်ရက်မှမနားဘဲ ဒီလှုပ်ရှားမှုကြီး အောင်မြင်စွာနဲ့ အဆုံးသတ်နိုင်ရန် တက်ကြွစွာ ကြိုးစားလုပ်ဆောင်နေကြတာလည်း ဖြစ်ပါတယ်။
နေ့ဘက်တွင် လူထုလှုပ်ရှားမှုများတွင် ပူးပေါင်းပါဝင်နေရုံတင်မကဘဲ ညပိုင်းတွေမှာလည်း ရပ်ကွက်ထဲသို့ အခြားသော လူစိမ်းများ ဝင်ရောက်လို့မရနိုင်အောင် ကင်းစောင့်တာဝန်ကို ယူထားကြတာလည်း ဖြစ်ပါတယ်။ ရပ်ကွက်နေပြည်သူများအတွက် အုတ်တစ်ချပ်သဲ တစ်ပွင့် ကူညီပေးနေကြတဲ့ ဝါဆိုတို့စုံတွဲလေးကို ပရိသတ်တွေအားလုံးကလည်း ချီးကျုးနေကြတာလည်း ဖြစ်ပါတယ်။ သူတို့ရဲ့ လှုပ်ရှားမှုတွေတိုင်းကိုလည်း ပရိသတ်တွေကို ဝေမျှပေးလေ့ရှိရာ အခုတစ်ခါမှာလည်း ဝါဆိုရဲ့ Facebook Story မှာ ဗီဒီယိုလေးတစ်ခု တင်ထားတာပဲ ဖြစ်ပါတယ်။
ဒါကတော့ မြို့လည်ခေါင်ဖြစ်တဲ့ဆူးလေမှာ များစွာသောပြည်သူလူထုနဲ့အတူ ရင်ထဲကဆန္ဒအမှန်တွေကိုသံပြိုင်ဟစ်ကြွေးနေကြတဲ့ ဝါဆိုတို့စုံတွဲလေးရဲ့ဗီဒီယိုဖိုင်လေးပဲ ဖြစ်ပါတယ်။ မနေ့ကတော့ နာမည်ကြီးအနုပညာရှင်များသာမကဘဲ အခြားသောပြည်သူများကလည်း ဆူးလေတွင်စုရပ်ပြုလုပ်ကာ လူထုလှုပ်ရှားမှုကို စုပေါင်းကာလုပ်ဆောင်ခဲ့ကြတာလည်း ဖြစ်ပါတယ်။ ဝါဆိုတို့ကလည်း " ကျွန်တော်တို့က လူငယ်တွေပါ
ကျွန်တော်တို့မှာ အနာဂတ်ရှိတယ်✊?✊?✊? " ဆိုတဲ့ စာသားလေးကို ရေးသားထားတာပဲ ဖြစ်ပြီး ပရိသတ်တွေလည်း ကြည့်ရှုခံစားနိုင်အောင် ဒီဗီဒီယိုဖိုင်လေးကို တစ်ဆင့် ပြန်လည်ကူးယူတင်ဆက်ပေးလိုက်ရပါတယ်နော်။ ဒီလှုပ်ရှားမှုမှာ အကြောင်းအမျိုးမျိုးကြောင့် မပါဝင်သေးတဲ့ ပြည်သူ့ဝန်ထမ်းတွေလည်း အမြန်ဆုံးပါဝင်ပူးပေါင်းပေးကြဖို့လည်း တောင်းဆိုလိုက်ရပါတယ်နော်။
Source and Photo Crd- Warso Moe Oo’s Facebook Page