နေ့ဘက်မှာ လူထုလှုပ်ရှားမှုတွေကိုတက်ကြွစွာလုပ်ဆောင်နေရုံသာမက ညဘက်တွေအထိပါ မိသားစုလိုက်ပ‌ဌာန်းရွတ်ပြီးအဓိဌာန်၀င်ခဲ့ကြတဲ့ အူဝဲတို့ဗီဒီယိုလေး

အနုပညာလောကမှာ ဒိတ်ဒိတ်ကြဲမင်းသမီးတစ်ယောက်အနေနဲ့ အချိန်အတော်ကြာရပ်တည်နေနိုင်တဲ့အပြင် အကယ်ဒမီထူးချွန်ဆုကြီး နှစ်ဆုကိုလည်း ရရှိထားတဲ့ အိန္ဒြာကျော်ဇင်ကို ပရိသတ်ကြီး သိကြမယ်ထင်ပါတယ်....။ သူမဟာ မင်းသားချောပြေတီဦးနဲ့အတူ သာယာချမ်းမြေ့ဖွယ်အိမ်ထောင်တစ်ခုကို တည်ထောင်ထားတာဖြစ်ပြီး ချစ်စရာကောင်းတဲ့ သားသားမီးမီးလေးတွေနဲ့အတူ ပျော်ရွှင်စွာနေထိုင်နေတာလည်း ဖြစ်ပါတယ်။

လတ်တလောဖြစ်ပေါ်နေတဲ့ အခြေအနေတွေကြောင့် အနုပညာရှင်တွေအတော်များများလည်း ပြည်သူပရိသတ်တွေနဲ့အတူတစ်သားတည်းရပ်တည်ကာ လှုပ်ရှားလှုံ့ဆော်မှုတွေပြုလုပ်နေကြတာဖြစ်ပြီး အူဝဲတို့ဇနီးမောင်နှံဟာဆိုရင်လည်း နေ့စဉ်ရက်ဆက်တတ်အားသရွေ့ကူညီလုပ်ဆောင်နေကြတာဖြစ်ပါတယ်နော်။ အခုဆိုရင်လည်း အူဝဲတို့မိသားစုဟာ နေ့ဘက်အချိန်တွေမှာ ပြည်သူလူထုနဲ့အတူ လှုပ်ရှားမှုတွေပြုလုပ်ရုံသာမက ညဘက်အထိပါမိသားစုလိုက် အဓိဌာန်၀င်ကာ ပဌာန်းရွတ်ဖတ်ပူဇော်နေကြတာဖြစ်ပါတယ်.....။

အူဝဲတို့မိသားစုဟာ အခုလိုတက်ညီလက်ညီနဲ့လှုပ်ရှားမှုတွေပြုလုပ်နေကြတဲ့ ဗီဒီယိုလေးကို အူဝဲဟာ သူမရဲ့ Facebook my dayလေးမှာတင်ပေးထားခဲ့တာဖြစ်ပြီး ဦးတီကိုယ်တိုင်ကလည်း သူ့ရဲ့ Facebookစာမျက်နှာမှာ "မိသားစုအားလုံး ပဌာန်းရွတ်ဖတ်ပူဇော်၍ သစ္စာဆိုပြီးပါကြောင်း..." ဆိုပြီးရေးသားမျှဝေထားတာဖြစ်ပါတယ်။ ကဲ.....ပရိသတ်တွေအတွက် ပြန်လည်ကူးယူဖော်ပြပေးလိုက်ပါတယ်နော်။

သတင်း အရင်းအမြစ်៖ Eaindra Kyaw Zin's Facebook page