အဆိုတော်မလေး ဆွိဝတ်ရည်သောင်းကတော့ သီချင်းတွေကို အသံချိုချိုလေးနဲ့ သီဆိုတတ်ပြီး ပရိသတ်တွေကို ဖမ်းစားနိုင်စွမ်းရှိတာ ဖြစ်ပါတယ် ။ ဆွိဝတ်ရည်သောင်းက အဆိုတော်အဖြစ် အောင်မြင်နေရုံသာမက သရုပ်ဆောင်အဖြစ်လည်း ဇာတ်ကားတွေရိုက်ကူးခဲ့ရတာ ဖြစ်ပါတယ် ။ လက်ရှိကာလမှာတော့ ဆွိဝတ်ရည်သောင်းက ပြည်သူတွေဘက်ကနေ အခိုင်အမာရပ်တည်ဝန်းရံပေးနေတာ ဖြစ်ပါတယ် ။
ဆွိဝတ်ရည်သောင်းကတော့ ပြီးခဲ့တဲ့ရက်ပိုင်းကတည်းက လမ်းပေါ်ထွက်ပြီး လူထုလှုပ်ရှားမှုတွေကို လုပ်ဆောင်ခဲ့တာ ဖြစ်ပါတယ် ။ အစ်မကြီးဖြစ်တဲ့နှင်းဝတ်ရည်သောင်းက ပြည်ပမှာ တတ်နိုင်သလောက် စွမ်းဆောင်နေသလို ဆွိဝတ်ရည်သောင်းနဲ့ အေးသောင်းတို့ညီအစ်မကလည်း မြန်မာနိုင်ငံမှာနေပြီး တာဝန်ကျေနေတာ ဖြစ်ပါတယ် ။ မနေ့ကတော့ ဆွိဝတ်ရည်သောင်းက ရန်ကုန်မြို့ရှိ ဗဟိုဘဏ်အရှေ့ကိုသွားရောက်ပြီး ပြည်သူ့ဝန်ထမ်းတွေကို တောင်းဆိုမှုပြုလုပ်ခဲ့တာ ဖြစ်ပါတယ် ။
စိတ်ရောကိုယ်ပါနှစ်ပြီး ရင်တွင်းဆန္ဒတွေကို ဖော်ပြကာ တောင်းဆိုခဲ့တဲ့ ဆွိဝတ်ရည်သောင်းကတော့ မျက်ရည်မထိန်းနိုင်အောင် ဖြစ်ခဲ့ရတာလည်း ဖြစ်ပါတယ် ။ ခံစားချက်အစစ်အမှန်နဲ့ လူထုလှုပ်ရှားမှုမှာ ပါဝင်နေတဲ့ ဆွိဝတ်ရည်သောင်းရဲ့ပုံရိပ်လေးတွေကတော့ ပရိသတ်တွေရဲ့ရင်ကိုလှုပ်ခတ်စေခဲ့တာ ဖြစ်ပါတယ် ။ ဆွိဝတ်ရည်သောင်းက "ပုံလေးရိုက်ထားပေးတာ တကယ်အမှတ်တရလေးပါပဲ ကျေးဇူးအသီရေ " ဆိုပြီး မျှဝေထားတာ ဖြစ်ပါတယ် ။ ကဲ ချစ်ပရိသတ်တွေအတွက် ဆွိဝတ်ရည်သောင်းရဲ့ပုံရိပ်လေးတွေကို ပြန်လည်ဖော်ပြပေးလိုက်ပါတယ်နော် ။
Source & Photo Credit- Sweet Wutt Yi Thaung's FB Page & "Kyaw Thiha-ကျော်သီဟ" FB Page