ဝန်ထမ်းများအားလုံးကို CDMမှာ ပါဝင်ပေးဖို့ အနူးအညွှတ်တိုက်တွန်းရင်း ပြည်သူတွေနဲ့အတူ ရပ်တည်နေခဲ့တဲ့ အဆိုတော် ပိုပို

ပရိသတ်ကြီးရေ အဆိုတော်မလေး ပိုပိုကတော့ ကိုယ်ပိုင်ရေးသားထားတဲ့ သံစဥ်တွေကို ဖန်တီးသီဆိုရင်း အနုပညာလမ်းကြောင်းထက်မှာ နေရာတစ်ခုအခိုင်အမာ ရရှိထားတဲ့ သူပဲ ဖြစ်ပါတယ် ။ ချိုသာတဲ့ အသံကို ပိုင်ဆိုင်ထားတဲ့ သူမရဲ့ သီချင်းတွေက အချစ်သီချင်းတွေနဲ့ အသည်းကွဲသီချင်းတွေဖြစ်လို့ လူငယ်ပရိသတ်တွေ အကြိုက်နဲ့ ထပ်တူကြတာလည်း ဖြစ်ပါတယ်။ ဒါ့အပြင် ပိုပိုက တစ်ကိုယ်တော် အယ်ဘမ်လ်တွေလည်း များစွာ ထွက်ရှိထားတာဖြစ်ပါတယ်။

ပိုပိုက အမြဲလိုလို အနုပညာဖန်တီးမှုအသစ်အဆန်းတွေကို ပြုလုပ်လေ့ရှိတာဖြစ်ပြီး မကြာသေးခင်အချိန်ကမှ MTVအသစ်တွေ ထွက်ရှိထားတာပဲ ဖြစ်ပါတယ်။ အခုလို ရုတ်တရက်ကြီး ဖြစ်ပေါ်နေလာတဲ့ အခြေအနေတွေမှာတော့ ပိုပိုတစ်ယောက် အနုပညာလှုပ်ရှားမှုတွေကို ရပ်နားထားပြီး ပြည်သူတွေနဲ့အတူ ပူးပေါင်းနေခဲ့ပါတယ်။ ပိုပိုက သူမရဲ့ လူမှုကွန်ယက် ဖေ့ဘွတ်အကောင့်မှာ ပြည်သူတွေနဲ့အတူ တစ်သားတည်းရပ်တည်နေတဲ့ ပုံလေးတွေကို တင်ပေးလာခဲ့တာပါနော်။

ပုံလေးတွေအပြင် ပိုပိုက " ဝန်ထမ်းများအားလုံး CDM မှာပါဝင်ပေးဖို့ အနူးအညွှတ် မေတ္တာ ရပ်ခံချင်ပါတယ်ရှင် ပြည်သူတွေလဲ သွေးမအေးကြေး " ဆိုတဲ့ စာသားလေးကိုလည်း ရေးသားထားပါသေးတယ်။ ရက်အတော်ကြာ ပြည်သူတွေနဲ့အတူ တစ်သားတည်း ဝန်းရံရပ်တည်နေတဲ့ ပိုပိုက ဝန်ထမ်းတွေကိုလည်း CDMလုပ်ဖို့ တိုက်တွန်းနေခဲ့တာဖြစ်ပြီး ပြည်သူတွေကိုလည်း သွေးမအေးသွားဖို့ ပြောလာခဲ့တာဖြစ်လို့ ပရိသတ်တွေ ကြည့်ရှုစေဖို့အတွက် ပြန်လည်တင်ဆက်ပေးလိုက်ပါတယ်နော်။ 

သတင်း အရင်းအမြစ်៖ Source - Po Po's FB account