ပြည်သူချစ်အနုပညာရှင် ဝါရင့်သရုပ်ဆောင် တစ်ယောက် ဖြစ်တဲ့ ရန်အောင်ကတော့ အနုပညာနယ်ပယ်မှာ အချိန်အတော်ကြာ အောင်မြင်စွာ ရပ်တည်နေတဲ့ မင်းသားကြီး တစ်လက် ပဲဖြစ်ပါတယ်။ယနေ့ အချိန်ထိလည်း အနုပညာအလုပ်တွေကို ဆက်လက်လုပ်ကိုင်လျက်ရှိနေပြီး မွေးမိခင်ကိုလည်း လုပ်ကျွေးပြုစုနေတဲ့ သားလိမ္မာလေး ဖြစ်တာကြောင့် ပရိသတ်တွေရဲ့ချစ်ခင်အားပေး သဘောကျမှုကို အခိုင်အမာ ရရှိထားတာ ဆိုလည်း မမှားပါဘူးနော်......။
ရန်အောင်ဟာ ဗီဒီယိုဇာတ်ကားတွေ အပြင် ရုပ်ရှင်ဇာတ်ကားကြီးတွေကိုပါ အကောင်းဆုံး သရုပ်ဆောင် ရိုက်ကူးနိုင်တာကြောင့် အကယ် ဒမီထူးချွန်ဆုတွေကိုပါ သိမ်းပိုက်ရရှိထားတာ ပဲဖြစ်ပါတယ်။သူဟာ ခေတ်နဲ့အညီ လိုက်ပါနိုင်သူ ဖြစ်တာကြောင့် အခုဆိုရင် ဇာတ်လမ်းတွဲတွေကိုလည်း လက်ခံရိုက်ကူးနေပြီ ဖြစ်ပါတယ်နော်....။လတ်တလော ဖြစ်ပေါ်နေတဲ့ အခြေအနေတွေနဲ့ ပက်သက်ပြီး သူရဲ့ လူမူကွန်ယက် စာမျက်နှာ ထက်တွင် "ဒီည ၈နာရီသံပုံးခေါက်အပြီးကျွန်တော်တို့ ဘောက်ထော်တခွင် ဂယက်ထခဲ့ပြန်သည်။
၈၈ တုန်းကလို တစ်လမ်း တစ်ရွာ စနစ်ပြန်ဖြစ်တော့မည်၊၈၈ တုန်းကလို လူစိမ်းမှန်သမျှ အဝင်မခံ ထိတ်လန့်ကြရတော့မည်၊၈၈ တုန်းကလို ဒုတ် ဓါးလက်နက် ကိုင်ဆွဲရလေသည်၊ခုတော့ အပျက်အပျက်နှင့် နှာခေါင်းသွေးထွက်ကြရတော့မည်၊ခုချိန်ထိတော့ ၈၈ တုန်းကလို မသင်္ကာတဲ့သူကို ပိုးစိုးပက်စက်မလုပ်ပြစ်ကြတာ တော်သေး၏၊"သည်းခံခြင်းသည် အောင်မြင်ရာ၏"တဲ့ သို့ပေသည့်-ဘယ်လောက်ထိ သည်းခံနေရမလဲဗျာ...."ဆိုပြီး ဖော်ပြထားတာ ဖြစ်ပါတယ်။ရန်အောင်ရဲ့ ပရိသတ်တွေ အတွက် ပြန်လည် ဝေမျှပေးလိုက်ပါတယ်နော်.....။
သတင်း အရင်းအမြစ်៖ Yan Aung FB Account