နှုတ်ခမ်းနီမလေးတွေရဲ့ အသည်းကျော်မင်းသားချောလေးဖြစ်တဲ့ ဟိန်းဝေယံကတော့ အောင်မြင်မှုတွေနဲ့ အကောင်းဆုံးရပ်တည်ထားတဲ့ အနုပညာရှင်တစ်ယောက်ပဲ ဖြစ်ပါတယ်။ ဟိန်းဝေယံက အနုပညာအလုပ်တွေကို ဆယ်စုနီးပါးမက ကြိုးစားလုပ်ကိုင်လာခဲ့ပြီး ပရိသတ်တွေရဲ့ အချစ်တွေကိုသိမ်းပိုက်ထားတာ ဖြစ်ပါတယ်။ လက်ရှိမှာတော့ အနုပညာအလုပ်တွေကို အနည်းအကျဥ်းမျှသာလုပ်ကိုင်ပြီး ဘဝကိုအေးအေးချမ်းချမ်း နဲ့ နေထိုင်နေတာတွေ့ရပါတယ်။
ဟိန်းဝေယံက စိတ်သဘောထားလည်း ပြည့်ဝပြီး အလှူအတန်းတွေကိုလည်း တတ်နိုင်သလောက် လှူဒါန်းပေးပါတယ်။ လတ်တလောဖြစ်ပေါ်နေတဲ့ လူထုလှုပ်ရှားမှုမှာလည်း ပြည်သူ့ပရိသတ်တွေအတွက် စားသောက်စရာလေးတွေ လှူဒါန်းပေးခဲ့တာ တွေ့မြင်ရပါတယ်။ ယခုမှာလည်း ဖေဖော်ဝါရီ ၁၃ ရက် ၊ ဗိုလ်ချုပ်မွေးနေ့မှာပရိသတ်တွေချစ်တဲ့ ဟိန်းဝေယံက ကြည်နူးစရာအလှူလေးကို ပြုလုပ်ခဲ့ပါတယ်။
ဒီအလှူလေးကတော့ အနာဂါတ်လှပစေဖို့ ယုံကြည်မှုခိုင်ခိုင်မာမာနဲ့ ရဲဝံ့စွာ ဆန့်ကျင်ဆန္ဒထုတ်ဖော်ပြသနေတဲ့ ပြည်သူ့ပရိသတ်တွေအတွက် မိမိရဲ့ ငွေကြေးနဲ့ တတ်နိုင်သလောက် စားသောက်စရာတွေကို ဝယ်ယူပြီး ကိုယ်တိုင်ကိုယ်ကျ ဝေငှပေးခဲ့တာဖြစ်ပါတယ်။ ဒီအလှူလေးနဲ့ပတ်သက်ပြီး ဆုတောင်းစကားလေး ပြောပြထားရာမှာလည်း " ပေါင်မုန့်၊ရေသန့်ဘူးနဲ့ towel ကမ်းဖြစ်ပါတယ်.. ....မြန်မာနိုင်ငံအမြန်ဆုံးငြိမ်းချမ်းသာယာပါစေ.. နိုင်ငံသူနိုင်ငံသားများအားလုံး ဘေးအန္တရာယ်ကင်းဝေးကြပါစေ" ဆိုပြီး ရေးသားထားပါတယ်။ ကဲ...ပရိသတ်တွေလည်း မွန်မြတ်တဲ့ အလှူလေးပြုလုပ်ခဲ့တဲ့ မင်းသားချောလေး ဟိန်းဝေယံကို ဆုမွန်ကောင်းလေး တောင်းပေးလိုက်ပါဦး။
သတင်း အရင်းအမြစ်៖ Source - Heinn Wai Yan fb account