လူထုလှုပ်ရှားမှုမှာ တက်ညီလက်ညီနဲ့နှစ်ယောက်အတူပါဝင်တဲ့အပြင် ပြည်သူတွေအတွက်အစားအသောက်တွေ အလျှံပယ်လှူဒါန်းခဲ့တဲ့ ပိုင်တံခွန်နဲ့ရွှေကစ်

မင်းသားချောလေး ပိုင်တံခွန်ကတော့ ရုပ်ရည်ချောမောခန့်ညားတဲ့အပြင် ယောက်ျားပီသတဲ့ ခန္ဓာကိုယ်ကိုပိုင်ဆိုင်ထားတာကြောင့် မိန်းကလေးပရိသတ်တွေရဲ့ စိတ်ဝင်စားမှုကို ပိုမိုရရှိထားတာပဲ ဖြစ်ပါတယ် ။ ပိုင်တံခွန်က မြန်မာနိုင်ငံမှာအောင်မြင်နေရုံသာမက ထိုင်း၊တရုတ်စတဲ့ပြည်ပနိုင်ငံတွေမှာပါ လူသိများကျော်ကြားနေပြီး နိုင်ငံတကာသတင်းတွေမှာတောင် ဖော်ပြခြင်းခံနေရတာ ဖြစ်ပါတယ် ။ ဒါကြောင့်လည်း ပိုင်တံခွန်က သူ့ကိုချစ်တဲ့ပရိသတ်တွေ အားလုံးအပေါ်မှာ နွေးနွေးထွေးထွေး ဆက်ဆံပေးလေ့ရှိတာ ဖြစ်ပါတယ် ။

လတ်တလောမှာဆိုရင် ပိုင်တံခွန်က နေ့စဉ်နေ့တိုင်း လမ်းပေါ်ကိုထွက်ပြီး ပြည်သူလူထုနဲ့အတူ တက်တက်ကြွကြွပါဝင်လှုပ်ရှားနေတာ ဖြစ်ပါတယ် ။ ပြည်သူတွေကို ရှေ့ဆုံးကနေ ဦးဆောင်ပြီး လှုပ်ရှားမှုတွေကိုဆောင်ရွက်နေတဲ့ ပိုင်တံခွန်က မနေ့ကတော့ မင်းသမီးချောလေး ဝတ်မှုန်ရွှေရည်နဲ့ဆုံတွေ့ခဲ့တာ ဖြစ်ပါတယ် ။ ပိုင်တံခွန်၊ ဝတ်မှုန်ရွှေရည်နဲ့ အဆိုတော် Ar-T တို့က ပြည်သူတွေအတွက် အမောပြေသောက်ဖို့ အချိုရည်တွေနဲ့ စားစရာတွေလှူဒါန်းပေးခဲ့ကြတာ ဖြစ်ပါတယ် ။

ပိုင်တံခွန်က "ကျွန်တော်တို့အားလုံးမှာ ကိုယ်ပိုင်အခက်အခဲတွေ အသီးသီးရှိကြတယ် ဒါပေမယ့် ဒီအချိန်မှာ ကျွန်တော်တို့ရဲ့ ပန်းတိုင်က တစ်ခုတည်းပဲ Fight For Democracy "ဆိုပြီး ပုံလေးတွေတင်ထားသလို ရွှေကစ်ကလည်း "13/2/2021 ပြည်သူတွေ အားတင်းထားပါ နိုးနိုးကြားကြားနေကြပါ" ဆိုပြီး လှုပ်ရှားမှုတွေကို မျှဝေထားတာ ဖြစ်ပါတယ် ။ ကဲ တက်ညီလက်ညီနဲ့ လူထုလှုပ်ရှားမှုမှာ ပါဝင်ပြီး အစားအသောက်တွေ အတူတူလှူဒါန်းခဲ့တဲ့ ပိုင်တံခွန်နဲ့ ရွှေကစ်တို့အနုပညာမောင်နှမရဲ့ပုံရိပ်တွေကို ပြန်လည်မျှဝေပေးလိုက်ပါတယ်နော် ။

Source & Photo Credit -Paing TaKhon's FB Page & Wutt Hmone Shwe Yi's FB Page